اہم خبریں: اٹلی سے امرتسر آنے والی ایئر انڈیا کی پرواز میں کورونا کا دھماکہ، 125 مسافر متاثر

ایئر انڈیا، تصویر سوشل میڈیا
ایئر انڈیا، تصویر سوشل میڈیا
user

قومی آوازبیورو

06 Jan 2022, 3:13 PM

اٹلی سے امرتسر آنے والی ایئر انڈیا کی پرواز میں کورونا کا دھماکہ، 125 مسافر متاثر

اٹلی سے ہندوستان آنے والی ایئر انڈیا کی ایک پرواز میں بڑے پیمانے پر کورونا کے مریض پائے گئے ہیں۔ پنجاب کے امرتسر انٹرنیشنل ایئرپورٹ پر پہنچی اس پرواز پر سوار 182 میں سے 125 مسافر کورونا وائرس سے متاثر پائے گئے ہیں۔ تمام متاثرین کو امرتسر میں قرنطینہ کیا گیا ہے۔

06 Jan 2022, 1:53 PM

مرکزی وزیر مملکت برائے داخلہ نتیانند رائے کورونا سے متاثر

مرکزی وزیر مملکت برائے داخلہ نتیانند رائے کورونا سے متاثر پائے گئے ہیں۔ انہوں نے خود ٹوئٹ کر کے یہ اطلاع دی ہے۔ وزیر نے ٹوئٹر پر لکھا، ’‘میری کورونا کی جانچ رپورٹ پازیٹو آئی ہے۔ میں نے خود کو پوری طرح آئسولیٹ کر لیا ہے۔ میرے رابطہ میں آئے لوگوں سے گزارش ہے کہ احتیاط کے ساتھ ضروری اقدام اٹھائے جائیں۔‘‘

06 Jan 2022, 12:59 PM

بُلی بائی ایپ معاملہ کا اہم منصوبہ ساز آسام سے گرفتار، دہلی پولیس

دہلی پولیس نے دعویٰ کیا ہے کہ اس کی خصوصی آئی ایف ایس او سیل نے آسام سے اس شخص کو گرفتار کر لیا ہے جو ’بُلی بائی‘ ایپ کے ذریعے ہندوستان کی نامور مسلم خواتین کے خلاف نازیبا باتیں کرنے کا اہم منصوبہ ساز ہے۔

خصوصی آئی ایف ایس او سیل کے ڈی سی پی ک پی ایس مہلوترا نے کہا کہ ٹیم کی جانب سے گرفتار کیا گیا کلیدی منصوبہ ساز نیرج بشنوئی گٹ ہب پر بلی بائی کا کریئیٹر اور ٹوئٹر اکاؤنٹر ہولڈر ہے۔ ملزم کو گرفتار کر کے دہلی لایا جا رہا ہے۔


06 Jan 2022, 9:24 AM

ہندوستان میں کورونا کے 90 ہزار سے زیادہ نئے معاملے، 325 اموات 

مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا وائرس کے 90928 نئے معاملے رپورٹ ہوئے، اس دوران 19206 افراد نے شفایابی حاصل کر لی جبکہ 325 افراد کی جان چلی گئی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔