اہم خبریں: دہلی کے ’بابرپور‘ کا نام غلامی کی علامت، تبدیل کیا جائے، بی جے پی کے رکن اسمبلی کا مطالبہ

علامتی تصویر
علامتی تصویر
user

قومی آوازبیورو

04 Jan 2022, 1:25 PM

دہلی کے بابرپور کا نام غلامی کی علامت، تبدیل کیا جائے، بی جے پی کے رکن اسمبلی کا مطالبہ 

دہلی بی جے پی کے رکن اسمبلی اجے مہاور نے دہلی کے بابرپور حلقہ انتخاب کا نام تبدیل کرنے کا مطالبہ کیا ہے۔ اجے مہاور کا کہنا ہے کہ بابر پور کا نام سابق صدر اے پی جے عبدالکلام کے نام سے منسوب کیا جائے، کیونکہ حلقہ انتخاب کا نام بابر جیسے حملہ آور کے نام پر رکھنا غلامی کی نشانی ہے۔

04 Jan 2022, 11:39 AM

کورونا بحران کے سبب ایمس دہلی کے ڈاکٹروں کی بقیہ سرمائی تعطیلات منسوخ

ملک بھر میں شدید ہوتے کورونا بحران کے درمیان ایمس دہلی کے ڈاکٹروں کی بقیہ سرمائی تعطیلات منسوخ کر دی گئی ہیں۔ ڈاکٹروں کی 5 جنوری سے 10 جنوری تک کی تعطیلات منسوخ کرتے ہوئے انہیں فوری طور پر ڈیوٹی پر لوٹنے کو کہا گیا ہے۔

04 Jan 2022, 9:20 AM

ہندوستان میں 24 گھنٹوں کے دوران کورونا وائرس کے 37 ہزار سے زیادہ نئے معاملے

مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا وائرس کے 37379 کیسز درج کئے گئے۔ اس دوران 11 ہزار سے زیادہ افراد نے شفایابی حاصل کر لی جبکہ 124 افراد کی جان چلی گئی۔ کورونا کی پازیٹوٹی کی شرح 3.24 فیصد ہو گئی ہے۔

ملک بھر میں فعال معاملات کی تعداد بڑھ کر ایک لاکھ 71 ہزار سے تجاوز کر گئی ہے جبکہ مجموعی طور پر 4 لاکھ 82 ہزار سے زیادہ افراد کی جان گئی ہے۔ مجموعی طور پر 3 کروڑ 43 لاکھ سے زیادہ افراد شفایابی حاصل کر چکے ہیں۔ ملک بھر میں کورونا ویکسین کی ایک ارب 46 کروڑ 70 لاکھ سے زیادہ خوراکیں دی جا چکی ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔