اہم خبریں: ہندوستان کے پہلے وزیر تعلیم مولانا ابوالکلام آزاد کے یوم پیدائش پر کانگریس اقلیتی ڈپارٹمنٹ منعقد کرے گی تقریب

مولانا ابوالکلام آزاد
مولانا ابوالکلام آزاد
user

قومی آوازبیورو

10 Nov 2021, 10:18 PM

پہلے وزیر تعلیم مولانا ابوالکلام آزاد کے یوم پیدائش پر کانگریس اقلیتی ڈپارٹمنٹ منعقد کرے گی تقریب

کانگریس اقلیتی ڈپارٹمنٹ نے ہندوستان کے پہلے وزیر تعلیم اور بھارت رتن مولانا ابوالکلام آزاد کے یوم پیدائش یعنی 11 نومبر کو قومی سمینار منعقد کرنے کا اعلان کیا ہے۔ اس سمینار میں رام پنیانی، اشوک کمار پانڈے اور محسنہ قدوائی اہم مقرر ہوں گے۔ تقریب کی صدارت کانگریس کے سینئر لیڈر پون کمار بنسل کریں گے۔ ذرائع کے مطابق یہ سمینار جواہر بھون ہال میں صبح 11 بجے شروع ہوگا۔

09 Nov 2021, 3:48 PM

دیویندر فڈنویس کے تعلق سے ہائیڈروجن بم گراؤں گا! نواب ملک 

مہاراشٹر کے وزیر اور این سی پی لیڈر نواب ملک نے کہا ہے کہ وہ کل دیویندر فڈنویس کے تعلق سے ہائیڈروجن بم گرائیں گے۔ انہوں نے کہا وہ دیوندر فڈنویس کے انڈرورلڈ سے تعلقات کو بے نقاب کر دیں گے۔

انہوں نے کہا، ’’دیوندر فڈنویس مجھے انڈرورلڈ اور سزایافتہ مجرموں سے جوڑ کر میری شبیہ کو داغ دار کرنے کی کوشش کر رہے ہیں۔ وہ بالکل اسی طرح کی بات کر رہے جیسے کہا گیا تھا کہ میرے گھر سے ڈرگس برآمد ہوئی ہے، میں انہیں قانونی نوٹس بھجواؤں گا۔‘‘

09 Nov 2021, 12:02 PM

دہلی میں آلودہ پانی کے لئے یوپی اور ہریانہ کی حکومتیں ذمہ دار! عام آدمی پارٹی

دہلی میں چھٹھ پوجا کے موقع پر جمنا میں بڑے پیمانے پر آلودگی اور جھاگ نظر آ رہے ہیں اس کے لئے دہلی کے وزیر راگھو چڈھا نے یوپی اور ہریانہ حکومت کو ذمہ دار قرار دیا ہے۔ راگھو چڈھا نے کہا، ’’اوکھلا بیراج علاقہ میں جمنا میں جو جھاگ نظر آ رہے، یہ علاقہ یوپی کے اریگیشن ڈیپارٹمنٹ کے زیر نگرانی ہے لہذا اس کے لئے یوپی حکومت ذمہ دار ہے۔ ہر سال کی طرح اس سال بھی یوپی حکومت ناکام ثابت ہوئی ہے۔ دہلی میں آلودہ پانی یوپی اور ہریانہ حکومت کا تحفہ ہے۔‘‘


09 Nov 2021, 9:53 AM

ہندوستان میں کورونا کے نئے کیسز کی تعداد 266 دنوں کے بعد سب سے کم

مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا کے 10126 نئے کیسز رپورٹ ہوئے، یہ تعداد گزشتہ 266 دنوں میں سب سے کم ہے۔ اس دوران 332 افراد کی جانچ چلی گئی۔ جبکہ ملک میں فی الحال 140638 کیسز فعال ہیں۔ فعال کیسز کی یہ تعداد گزشتہ 263 دنوں میں سب سے کم ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔