اہم خبریں: یوگی۔مودی کے خلاف قابل اعتراض پوسٹ کرنے کے پاداش میں 2 گرفتار

گرفتار، تصویر یو این آئی
گرفتار، تصویر یو این آئی
user

قومی آوازبیورو

25 Sep 2021, 6:33 PM

یوگی۔مودی کے خلاف قابل اعتراض پوسٹ کرنے کے پاداش میں 2 گرفتار

بلیا: اترپردیش کے ضلع بلیا میں پولیس نے ہفتہ کو وزیر اعظم نریندر مودی اور وزیر اعلی یوگی آدتیہ ناتھ کے خلاف قابل اعتراض ویڈیو پوسٹ کرنے کے پاداش میں دو افراد کو گرفتار کیا ہے۔ پولیس نے کہا کہ قابل اعتراض پوسٹ 23 ستمبر کو سوشل میڈیا ٹوئٹر، فیس بک اور وہاٹس ایپ پر شائع کی گئی ہے، جس میں دو افراد مودی اور یوگی کے خلاف زبان درازی کرتے ہوئے دکھائی دے رہے ہیں۔ دونوں ملزمین کی شناخت پرکاش ورما اور رمیش یادو کے طور پر ہوئی ہے دونوں بلیا کے برکی سریا گاؤں کے رہنے والے ہیں۔ بنسڈیہ رود پولیس اسٹیشن کے انچارج نے بتایا کہ منٹو رام کی شکایت پر کارروائی کی گئی ہے۔

25 Sep 2021, 4:57 PM

کیرالہ: مزدور کی بیٹی یو پی ایس سی امتحان میں کامیاب

کیرالہ کے ترواننت پورم کے رہائشی ایک تعمیراتی مزدور کی بیٹی اسواتی ایس نے یو پی ایس سی امتحان 2020 میں 481 ویں مقام کے ساتھ کامیابی حاصل کی ہے۔ اسواتی نے کہا، ’’سول سروینٹ بننا میرا 15 سالوں کا خواب ہے۔ میرا خواب آئی اے ایس بننے کا ہے لہذا میں دوبارہ امتحان میں بیٹھنے کا منصوبہ بنا رہی ہوں۔‘‘

25 Sep 2021, 4:01 PM

مہاراشٹر میں سنیما ہال اور تھیٹر 22 اکتوبر سے کھولے جانے کا اعلان

مہاراشٹر کے وزیر اعلیٰ ادھو ٹھاکرے کے سیکرریٹریٹ کی جانب سے اطلاع دی گئی ہے کہ ریاست میں موجود سنیما ہال اور تھیٹروں کو 22 اکتوبر سے کھول دیا جائے گا۔ اس دوران صحت سے متعلق اصولوں کی پاسداری لازمی ہوگی۔


25 Sep 2021, 2:28 PM

اقبال پریت سنگھ سہوتا کو ڈی جی پی پنجاب کے عہدے کی اضافی ذمہ داری سونپی گئی

آئی پی ایس اقبال پریت سنگھ سہوتا کو آئی پی ایس دنکر گپتا کی تعطیل کی مدت تک کو ڈی جی پی پنجاب کے عہدے کی اضافی ذمہ داری سونپی گئی ہے۔ اقبال فی الحال جالندھر میں واقع پنجاب پولیس کی مسلح بٹالین کے خصوصی ڈی جی پی کی ذمہ داری سنبھال رہے ہیں۔

25 Sep 2021, 12:16 PM

اساتذہ اہلیت امتحان کے تمام امیدوارں کو مفت سفر کی سہولت، وزیر تعلیم راجستھان

راجستھان کے ریاستی اسکولی تعلیم کے وزیر گووند ڈوٹاسرا نے اعلان کیا ہے کہ 26 ستمبر منعقد ہونے والے راجستھان اساتذہ اہلیت امتحان (آر ای ای ٹی) کے تمام امیدواروں کو مفت سفر کی سہولت فراہم کی جائے گی۔ اسی کے ساتھ انہوں نے کہا کیہ اگر کوئی بھی سرکاری ملازم پیپر لیک کرنے کا نقل کرنے میں تعاون کرنے کا قصوروار پایا جائے گا تو اسے برخاست کر دیا جائے گا۔


25 Sep 2021, 9:57 AM

ہندوستان میں کورونا کے پھر 29 ہزار سے زیادہ نئے کیسز، 290 اموات

مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا کے 29616 نئے کیسز رپورٹ ہوئے ہیں۔ اس دوران 28046 مریضوں نے شفایابی حاصل کر لی جبکہ 290 افراد کی جان چلی گئی۔ ہندوستان میں فی الحال ریکوری ریٹ 97.78 فیصد ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔