اہم خبریں: گائے کچھ لوگوں کے لئے گناہ ہو سکتی ہے لیکن ہمارے لئے ماتا ہے، وزیر اعظم مودی

تصویر ٹوئٹر
تصویر ٹوئٹر
user

قومی آوازبیورو

23 Dec 2021, 3:25 PM

گائے کچھ افراد کے لئے گناہ ہو سکتی ہے لیکن ہمارے لئے ماتا ہے، وزیر اعظم مودی

وزیر اعظم نریندر مودی آج بنارس کے دورے پر ہیں جہاں انہوں نے ’بنارس ڈیری سنکول‘ کا سنگ بنیاد رکھا۔ اس موقع پر وزیر اعظم مودی نے کہا کہ اس سے ڈیری شعبہ مضبوط ہوگا، جوکہ حکومت کی اولین ترجیحات میں شامل ہے۔ انہوں نے کہا، ’’کچھ لوگوں نے ایسے حالات پیدا کر دئے ہیں کہ گائے، گوبر دھن کی بات کرنا گناہ ہو گیا ہے۔ گائے کچھ لوگوں کے لئے گناہ ہو سکتی ہے لیکن ہمارے لئے گائے ماتا ہے۔

23 Dec 2021, 12:54 PM

بھگوان رام اخلاقیات کی علامت لیکن بی جے پی نے ان کے نام پر بھی گھوٹالہ کیا، پرینکا گاندھی

پرینکا گاندھی نے کہا، ’’یوگی آدتیہ ناتھ نے کہا ہے کہ مندر ٹرسٹ کی زمین خرید کی وہ جانچ کرائیں گے لیکن وہ جانچ ضلع مجسٹریٹ سطح پر ہو رہی ہے۔ رام مندر ٹرسٹ کو ہائی کورٹ کے حکم پر تشکیل دیا گیا تھا لہذا جانچ بھی ہائی کورٹ سطح پر ہونی چاہئے۔‘‘

انہوں نے کہا کہ ایودھیا میں رام مندر کے آس پاس کی زمین کی لوٹ مار چل رہی ہے۔ بی جے پی کے لیڈران، عہدیداران اور یوگی حکومت کے سرکاری افسران لوٹ میں شامل ہیں۔ بھگوان رام اخلاقات کی علامت تھے اور سچائی کے راستہ پر چلتے تھے لیکن ان کے نام پر بھی بدعنوانی کی جا رہی ہے۔ یہ ایک سنگین مسئلہ ہے۔

23 Dec 2021, 12:41 PM

مندر ٹرسٹ نے مہنگے داموں میں زمین خرید کر چندے کی رقم کو ہڑپا، پرینکا گاندھی

پرینکا گاندھی نے پریس کانفرس سے کہا کہ ایودھیا میں رام مندر ٹرسٹ نے جو زمینیں خریدی ہیں اس میں دھاندلی ہوئی ہے۔ ٹرسٹ نے گھر گھر جا کر چندہ جمع کیا تھا۔ دلتوں کی زمین جو خریدی نہیں جا سکتی تھیں انہیں ہڑپا گیا ہے اور کم داموں کی زمین ٹرسٹ کی طرف سے مہنگے داموں میں فروخت کی گئی، یعنی کہ چندہ کی رقم کو خرد برد کیا گیا۔


23 Dec 2021, 11:33 AM

پرینکا گاندھی کچھ دیر بعد پریس کانفرنس سے خطاب کریں گی، اہم موضوع پر بیان متوقع

کانگریس کی جنرل سکریٹری اور پارٹی کی یوپی انچارج پرینکا گاندھی کچھ دیر بعد پریس کانفرنس سے خطاب کرنے جا رہی ہیں۔ پارٹی کی جانب سے جاری کی گئی اطلاع کے مطابق پرینکا گاندھی دہلی میں واقع کانگریس کے صدر دفتر سے دوپہر 12.30 بجے صحافیوں سے خطاب کریں گی۔ اس دوران وہ اہم موضوع پر بیان دیں گی۔

23 Dec 2021, 10:01 AM

ہندوستان میں کورونا کے 7495 نئے معاملے، 434 اموات

مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا وائرس کے 7495 نئے معاملوں کی تصدیق کی گئی ہے۔ اس دوران 6960 افراد نے شفایابی حاصل کر لی جبکہ 434 افراد لقمہ اجل بن گئے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔