اہم خبریں: افغانستان کے سابق نائب صدر امراللہ صالح کے بڑے بھائی کا طالبان نے کیا قتل

افغانستان کے سابق نائب صدر امراللہ صالح کے بڑے بھائی کا طالبان نے قتل کر دیا ہے۔ ’آج تک‘ پر شائع ایک رپورٹ کے مطابق امراللہ صالح کے بڑے بھائی روح اللہ صالح کے ساتھ طالبان نے پہلے زد و کوب کیا اور پھر اس کے بعد بے رحمی سے ان کا قتل کر دیا۔ یہ واقعہ پنج شیر کا بتایا جا رہا ہے جہاں پر اب بھی طالبان کی جدوجہد جاری ہے۔

ہریانہ کے کرنال میں منی سکریٹریٹ پر چل رہا کسان مظاہرہ جمعہ کو چوتھے دن میں داخل ہونے کے ساتھ ہی مزید مضبوط ہوتا ہوا نظر آ رہا ہے۔ کرنال بار ایسو سی ایشن نے اس احتجاجی مظاہرہ کی حمایت کا اعلان کر دیا ہے۔ مظاہرہ کر رہے کسانوں کے مطالبات کی حمایت کرتے ہوئے ایسو سی ایشن نے افسر آیوش سنہا کو فوری اثر سے ہٹانے کی بات کہی ہے۔

سری لنکائی افسران نے جمعہ کے روز ملک گیر کوارنٹائن کرفیو کو 21 ستمبر تک کے لیے بڑھا دیا ہے۔ اس کا مقصد کووڈ-19 کو مزید پھیلنے سے روکنا ہے۔

سوائن فلو نے پٹنہ میں دستک دے دی ہے۔ پھلواری واقع برلا کالونی میں ایک مریض کی سوائن فلو سے موت کی خبریں سامنے آ رہی ہیں۔ پٹنہ کے پاس اسپتال میں سوائن فلو کے دو مریضوں کا علاج بھی چل رہا ہے۔ اس خطرناک وائرس کی زد میں کئی دیگر مریض بھی ہیں جو پارس اسپتال کے او پی ڈی میں پہنچے ہیں اور ان کا بھی علاج شروع ہو چکا ہے۔

مغربی بنگال کی بھوانی پور اسمبلی سیٹ پر ہونے والے ضمنی انتخاب کے لیے ریاست کی وزیر اعلیٰ اور ترنمول کانگریس کی امیدوار ممتا بنرجی نے آج کاغذات نامزدگی داخل کر دئے۔ بی جے پی نے اس سیٹ پر ان کے خلاف پرینکا ٹبریوال کو میدان میں اتارا ہے۔

قابل ذکر ہے کہ 2011 اور 2016 کے اسمبلی انتخابات میں ممتا بنرجی نے بھوانی پور سیٹ سے کامیابی حاصل کی تھی۔ ترنمول کانگریس نے بھوانی پور سے بنرجی، جنگی پور ذاکر حسین اور شمشیر گنج سے امیر الاسلام کو امیدوار بنایا ہے۔

کانگریس کی عبوری صدر سونیا گاندھی کی طرف سے حکومت کی پالیسیوں اور فیصلوں کے خلاف ملک گیر احتجاج کی منصوبہ بندی کرنے کے لئے تشکیل دی گئی کمیٹی کا پہلا اجلاس 14 ستمبر کو منعقد ہونے جا رہا ہے۔ مجوزہ اجلاس کی صدارت کانگریس کے سینئر لیڈر دگوجے سنگھ کریں گے۔

مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا کے 34973 نئے کیسز رپورٹ ہوئے ہیں۔ اس دوران 37681 افراد نے شفایابی حاصل کرلی جبکہ 260 افراد کی جان چلی گئی۔