اہم خبریں LIVE: نائب وزیر اعلیٰ اجیت پوار نے نریندر رانے کو بنایا ممبئی این سی پی کا صدر

مہاراشٹر کے نائب وزیر اعلیٰ اجیت پوار نے نریندر رانے کو ممبئی این سی پی (نیشنلسٹ کانگریس پارٹی) کا صدر مقرر کیا ہے۔ انھوں نے نریندر رانے کو تقرری نامہ سونپ کر مبارکباد پیش کی۔ حالانکہ دوسری طرف شرد پوار نے دہلی میں میٹنگ کے بعد نامہ نگاروں کے سامنے اجیت پوار پر شدید حملہ کیا۔ انھوں نے واضح لفظوں میں کہا کہ ’’میں ہی این سی پی چیف ہوں۔‘‘

مرکزی حکومت نے پارلیمنٹ کے مانسون اجلاس سے قبل 19 جولائی کو کل جماعتی اجلاس طلب کیا۔

سپریم کورٹ پیر 10 جولائی کو دہلی کے عہدیداروں کے تعیناتی اور تبادلہ پر مرکزی حکومت کے آرڈیننس کے معاملے کی سماعت کرے گا۔ آرڈیننس کو دہلی حکومت نے چیلنج کرتے ہوئے سپریم کورٹ سے رجوع کیا ہے۔ جمعرات کو چیف جسٹس کے سامنے جلد سماعت کی درخواست کی گئی، جس پر انہوں نے پیر کو سماعت کرنے پر رضامندی ظاہر کی۔