اہم خبریں: پیگاسس جاسوسی معاملہ پر راہل نے بی جے پی کو کہا ’بھارتیہ جاسوس پارٹی‘

راہل گاندھی، تصویر یو این آئی
راہل گاندھی، تصویر یو این آئی
user

قومی آوازبیورو

19 Jul 2021, 11:05 PM

راہل گاندھی نے بی جے پی کو کہا ’بھارتیہ جاسوس پارٹی‘

پیگاسس جاسوسی معاملہ کو لے کر مرکز کی مودی حکومت کو چہار جانب سے تنقید کا نشانہ بنایا جا رہا ہے۔ خصوصی طور پر کانگریس نے تو مرکزی وزیر داخلہ امت شاہ کی برخاستگی کا مطالبہ کر ڈالا ہے اور پیگاسس معاملہ میں وزیر اعظم نریندر مودی کے کردار کی جانچ کرنے کا بھی مطالبہ کیا ہے۔ اب کانگریس کے سابق صدر راہل گاندھی نے بی جے پی کو ’بھارتیہ جاسوس پارٹی‘ کا نام دے ڈالا ہے۔ انھوں نے اپنے ایک ٹوئٹ میں لکھا ہے ’’اس کے ڈر پر ہنسی آتی ہے- یہ بھارتیہ جاسوس پارٹی ہے۔‘‘

19 Jul 2021, 8:29 PM

پیگاسس جاسوسی تنازعہ ملک کے خلاف ایک سازش ہے: امت شاہ

پیگاسس جاسوسی تنازعہ پر وزیر داخلہ امت شاہ نے آج ایک ٹوئٹ کیا ہے۔ اس ٹوئٹ میں انھوں نے لکھا ہے کہ ’’کل دیر شام ہم نے ایک رپورٹ دیکھی، جسے دنیا بھر میں ہندوستان کو بے عزت کرنے کے لیے کچھ طبقات کے ذریعہ بڑھایا گیا ہے۔ شعلہ انگیز سازشوں کے ذریعہ سے وہ ہندوستان کی ترقی کو پٹری سے نہیں اتار پائیں گے۔ مانسون اجلاس نئے ثمر دے گا۔‘‘

19 Jul 2021, 8:01 PM

کانگریس نے پیگاسس جاسوسی معاملہ پر امت شاہ سے مانگا استعفیٰ

کانگریس لیڈر اور راجیہ سبھا میں اپوزیشن لیڈر ملکارجن کھڑگے نے پیگاسس رپورٹ کے تعلق سے کہا کہ وزیر اعظم اور وزیر داخلہ راہل گاندھی، صحافیوں اور یہاں تک کہ مرکزی وزراء سمیت اپوزیشن لیڈروں کی جاسوسی کرنے میں شامل ہیں۔ جانچ سے پہلے امت شاہ کو استعفیٰ دینا چاہیے اور مودی صاحب کے خلاف بھی جانچ ہونی چاہیے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔