سی بی ایس ای: دسویں کلاس کے نتائج کا اعلان

سنٹرل بورڈ آف سیکنڈری ایجوکیشن (سی بی ایس ای) کی طرف سے 10 ویں کلاس کے نتائج کا اعلان کر دیا گیا ہے۔ طلباء cbse.nic.in یا cbseresults.nic.in پر اپنے نتائج دیکھ سکتے ہیں۔ امسال 10 ویں کلاس کے امتحان کے لئے کل 1638428 طالب علم شامل ہوئے ہیں۔

نتائج کے اعلان کے تعلق سے معلومات انسانی وسائل کی وزارت کے سکرٹری انل سوروپ نے ٹوئٹ کر کے دی تھی۔ انہوں نے حالانکہ 4 بجے شام کا وقت بتایا تھا لیکن اعلان اس سے قبل ہی کر دیا گیا۔

امسال سی بی ایس ای کی 10 ویں کلاس کے امتحان کافی سرخیوں میں رہے ہیں دراصل ریاضی کا پیپر لیک ہونے کی وجہ سے پہلے تو ریاضی کا پیپرمنسوخ کر دیا گیا تھا، لیکن بعد میں سی بی ایس ای بورڈ نے امتحان دوبارہ نہ کروانے کا فیصلہ لیا تھا۔

سی بی ایس ای 10 ویں کے نتائج سرکاری ویب سائٹ cbse.nic.in، cbseresults.nic.in، results.nic.in پر دستیاب ہون گے، اس سال سی بی ایس ای 10 ویں اور 12 ویں کلاس کے امتحانات میں 28 لاکھ سے زیادہ طالب علم شامل ہوئے تھے، 10 ویں کلاس کے امتحان کے لئے کل 16،38،428 طالب علم شامل ہوئے ہیں، سی بی ایس ای بورڈ کی 10 ویں کے امتحانات 5 مارچ سے شروع ہوکر 4 اپریل تک جاری رہے تھے۔

ایسے دیکھیں اپنے نتائج:

• سی بی ایس ای کی آفیشیل ویب سائٹ cbse.nic.in یا cbseresults.nic.in پر جائیں.
• اس کے بعد کلاس -10 ویں رزلٹ آپشن پر کلک کریں۔
• اپنا رول نمبر اور باقی تفصیل ڈال کر اسے سبمٹ بٹن پر کلک کریں۔