مکیش امبانی کی بیٹی کی سگائی، نک جوناس اور پرینکا چوپڑا اٹلی پہنچے

ملک کے سب سے بڑے کارپوریٹ گھرانے کے مالک مکیش امبانی کی بیٹی ایشا امبانی کی سگائی ملک کے معروف تاجر اجے پیرامل کے بیٹے آنند پیرامل کے ساتھ اٹلی میں ہو رہی ہے ۔ اس سگائی میں بالی وڈ کی کئی مشہور شخصیات موجود ہیں ۔فلم اداکارہ پرینکا چوپڑا اپنے منگیتر امریکی سنگر نک جوناس کے ساتھ اس تقریب میں شرکت کرنے پہنچی ہیں۔ایشا اور آنند کی سگائی کی یہ تقریب 21 ستمبر کو شروع ہوئی تھی اور کل تک چلے گی اور یہ تقریب اٹلی کی’ لیک کومو ‘میں چل رہی ہے۔

اس دوران جہاں پرینکا ساڑی میں سب کی توجہ کا مرکز بنی نظر آئیں وہیں نک نے بھی روایتی ہندوستانی لباس زیب تن کیا ۔ سوشل میڈیا پر ایک تصویر سامنے آئی ہے جس میں نک اور پرینکا کے ساتھ فیشن ڈیزائنر منیش ملہوترا بھی دکھائی دے رہے ہیں ۔ ذرائع کے مطابق دونوں کے لباس منیش نے ہی ڈیزائن کئے ہیں۔پرینکا پہلے نک کو ممبئی میں امبانی کے گھر پر بھی لے کر گئی تھیں۔

ایشا اور آنند کی سگائی میں شامل ہونے کے لئے سونم کپور بھی پہنچیں گی۔ ساتھ ہی فلم اداکار انل کپور بھی وہاں اپنے جلوے بکھیرتے نظر آئے ۔ ذرائع کے مطابق سونم پہلے میلان فلم فیسٹیول میں شامل ہوں گی اس کے بعد وہ سگائی کی تقریب میں شامل ہوں گی۔

خبروں کی مانے تو بتایا جا رہا ہے کہ امبانی کی جو مہمانوں کی لسٹ ہے اس میں اداکارہ جانہوی کپور اور ڈاریکٹر کرن جوہر کے نام شامل ہیں۔ واضح رہے سگائی کی ایک تقریب ممبئی میں بھی ہو چکی ہے۔