خدا کی تلاش میں سڑک پر بھٹکنے والی 22 سالہ لڑکی کو پولیس نے اہل خانہ کے حوالہ کیا

کلکتہ پولیس نے سڑک پر خدا کی تلاش میں بھٹکنے والی نوجوان لڑکی کو حراست میں لیا اوربعدمیں اسے اس کے اہل خانہ کے حوالہ کردیا گیا۔

چارو مارکیٹ پولیس اسٹیشن کے علاقے میں سیاہ جینزس اور پوری آستین کا سوئٹر پہنے ایک نوجوان لڑکی مشتبہ انداز میں چل رہی تھی۔ وہ روانی سے انگریزی بول رہی تھی اور لوگوں سے اپیل کر رہی تھی کہ اپنے آپ کو خدا کے حوالے کر دیں۔ مقامی لوگوں نے شک کی بنیاد پر پولیس اسٹیشن کو مطلع کیا کہ ایک مشتبہ لڑکی سڑک پر گھوم رہی ہے۔

چارومارکیٹ پولیس کے سب انسپکٹر جے این چکرورتی، جوئے دیو بیراگی اور خاتون کانسٹیبل جھرنا ہیمبرم موقع پر پہنچ کر خاتون کو اپنے قبضے میں لیے لیا۔ لڑکی نے اپنا نام امرتانجلی سنگھ بتایا۔

22 سالہ امرتانجلی سنگھ نے سڑک پر گھومنے کی وجہ بتاتے ہوئے کہا کہ اس نے اپنے آپ کو خدا کی سوچ کے حوالے کر دیا ہے۔ اس لیے خداکو تلاش نے کےلئے وہ سڑک پر نکل آئی ہے۔ خدا کو تلاش کرنے میں مدد کریں؟ یہ سن کر پولیس اہلکار ہکا بکا رہ گئے۔ وہ بنگالی، ہندی اور انگریزی میں روانی میں بورل رہی تھی ۔ امرتانجلی سنگھ کو حراست میں لینے کے بعد چارومارکیٹ تھانے کی پولیس اہلکار نےکورونا ٹیسٹ کے لیے اسے بانگور اسپتال لے کر گئی۔ کرونا کی رپورٹ منفی آگئی۔ شیشو منگل اسپتال سے عام میڈیکل چیک اپ کے بعد پولیس اسے چارومارکیٹ تھانے لے آئی۔ چارومارکیٹ کے ادھیکاری نے امرتانجلی سنگھ کو کھانا دیا۔ وہ افسر کے ساتھ روانی سے انگریزی بولتی رہی۔ فروٹ جوس اور کیک دیکھ کر نوجوان خاتون نے کھانے سے پہلے افسرسے کہا ’’پہلے آپ لے لو‘‘۔

امرتانجلی سنگھ کے شائستہ رویے نے پولیس اہلکاروں کو مسحور کر دیا۔ اس کے بعد امرتانجلی سنگھ نے اپنے گھر کا پتہ نہیں دیا اور اسے چارومارکیٹ تھانے کے ذریعے چیتلہ ایشور سنکلپ ہوم لایا گیا۔ پولیس امرتانجلی سنگھ کی تصویر لے کر مختلف تھانوں میں پہنچ گئی۔ کہیں گمشدہ ڈائری ہے یا نہیں۔ منگل کی رات تقریباً 8.30 بجے خبر آئی کہ لڑکی کے والد بنود کمار سنگھ نے پورن شری پولیس اسٹیشن میں گمشدہ شخص کی ڈائری درج کرائی ہے۔ اس کے بعد چارو مارکیٹ پولیس اسٹیشن کے او سی نے لڑکی کے اہل خانہ سے رابطہ کیا۔ لڑکی کے والد رات10.30بجے چارو مارکیٹ تھانے پہنچے۔ اس کے بعد چارو مارکیٹ تھانے کی پولیس ٹیم نے لڑکی کو سنکلپ ہوم سے لا کر اس کے گھر والوں کے حوالے کر دیا۔