'یاس': مغربی بنگال اور اڈیشہ میں تیز لہریں اور ہوائیں ،سکم کے مختلف مقامات پر بارش کے امکان

عوام سے اپیل کی گئی ہے کہ وہ شدید بارشوں کے باعث دریا کے پانی کی سطح میں اضافے کے خدشے کے پیش نظر اگلے 72 گھنٹوں تک ندیوں سے دور رہیں۔

فائل تصویر آئی اے این ایس
فائل تصویر آئی اے این ایس
user

قومی آوازبیورو

گردابی طوفان ’یاس‘ مغربی بنگال اور اڈیشہ کے ساحل سے کسی بھی وقت ٹکرا سکتا ہے۔ مغربی بنگال کےمشرقی میدنی پور کے ضلع پوربا میں زور دار بارش ہو رہی ہےاور سمندر میں بڑی بڑی لہریں اٹھ رہی ہیں ۔ کچھ ایسےہی حالات اڈیشہ میں ہیں جہاں بھدرک ضلع میں تیز بارش اور ہوائیں چل رہی ہیں۔

ادھر ان علاقوں سےلوگوں کو منتقل کر دیا گیا ہےجو علاقہ اس طوفان سےمتاثر ہو سکتےہیں ۔کئی ٹرینین منسوخ کر دی گئی ہیں اور راحتی دستہ مطلوبہ علاقوں میں پہنچا دئے گئے ہیں۔


دوسری جانب خلیج بنگال کے شمال مغرب میں گردابی طوفان یاس کے باعث پہاڑی ریاست سکم میں شدید بارش ہونے کے امکانات ہیں۔

ہندوستانی محکمہ موسمیات کے ڈائریکٹر ڈاکٹر گوپی ناتھ راہا نے بتایا کہ یہ ایک انتہائی شدید طوفان ہے اور اس کی وجہ سے سکم میں 26 اور 27 مئی کو مختلف مقامات پر ہلکی سے شدید بارش ہونے کے امکانات ہیں۔


اس دوران ریاست کے چیف سکریٹری ایس سی گپتا نے گردابی طوفان یاس کے پیش نظر تیاریوں کے لئے منعقدہ اجلاس کی صدارت کی۔ انہوں نے ریاست کے تمام سرکاری اسپتالوں اور تمام کووڈ کیئر سنٹرز میں بجلی کے متبادل انتظامات کے احکامات دیئے ہیں۔

انہوں نے بتایا ہےکہ آکسیجن پلانٹ میں بجلی پیدا کرنے کا ایک متبادل نظام پہلے سے موجود ہے۔ ناقص سڑکوں پر ضروری افرادی قوت تعینات کردی گئی ہے۔ اس کے ساتھ ہی پولیس تیستا اور رنگیت کے نشیبی علاقوں ، ندیوں کے کناروں پر بھی نگرانی کر رہی ہے۔ عوام سے اپیل کی گئی ہے کہ وہ شدید بارشوں کے باعث دریا کے پانی کی سطح میں اضافے کے خدشے کے پیش نظر اگلے 72 گھنٹوں تک ندیوں سے دور رہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔