ویڈیو: میری کوم نے مکے بازی کے بعد گانے سے جیتا لوگوں کا دل

مشہور و معروف ہندوستانی خاتون باکسر ایم سی میری کوم نے 10ویں عالمی خاتون باکسنگ چمپئن شپ میں گولڈ میڈل پر قبضہ کر کروڑوں ہندوستانیوں کا دل ایک بار پھر جیت لیا۔ فائنل مقابلے میں یوکرین کی ہنا اکھوٹا کو شکست دے کر چھٹی بار عالمی چمپئن کا خطاب جیتنے والی میری کوم کی کامیابی کا جشن لوگ الگ الگ طرح سے منا رہے ہیں اور سوشل میڈیا پر بھی میری کوم کو خوب مبارکبادیاں مل رہی ہیں۔ اس درمیان میری کوم کا ایک ویڈیو بھی سوشل میڈیا پر خوب وائرل ہو رہا ہے جس میں وہ گانا گاتی ہوئی نظر آ رہی ہیں۔

غالباً یہ میری کوم کا کوئی پرانا ویڈیو ہے جس میں وہ بالی ووڈ کا مشہور گانا ’عجیب داستاں ہے یہ، کہاں شروع کہاں ختم‘ گا رہی ہیں، اور انھوں نے یہ بہت اچھے انداز میں گایا ہے۔ اچانک ہی یہ ویڈیو سوشل میڈیا پر وائرل ہو گیا اور لوگ میری کوم کو عالمی چمپئن بننے کی مبارکباد دینے کے ساتھ ساتھ بہترین آواز میں نغمہ سرائی کے لیے بھی داد دی۔ آپ بھی ان کی دلکش آواز میں یہ گانا سنیں...