کیا بجٹ سےعام آدمی کو ملے گی راحت؟

گزشتہ ماہ بالواسطہ ٹیکس وصولی میں اضافے کے باوجود موجودہ مالی سال ٹیکس کی وصولی میں کمی طے ہے۔

تصویر آئی اے این ایس 
تصویر آئی اے این ایس
user

قومی آوازبیورو

کورونا وبا سے بد حال ہوئی معیشت کے بعد پہلا بجٹ پیش کرناحکومت کے لئے ایک بڑا چیلنج ہے کیونکہ عوام بجٹ میں اپنے لئےراحت تلاش کرتے ہیں اور حکومت کے اوپر معیشت کو پٹری پر لانے کا دباؤ بنا ہوا ہے۔ ایسے میں جس چیز کی جانب عام آدمی کی سب سے زیادہ نظریں رہتی ہیں وہ ہے ٹیکس کے چھوٹ کا دائرہ ۔

واضح رہے عام آدمی چاہتا ہے کہ اس کوانکم ٹیکس میں زیادہ سے زیادہ چھوٹ ملے اور اگر حکومت ٹیکس کے چھوٹ کا دائرہ بڑھا تی ہے تو تنخواہ والے گروپ کو بہت راحت ملے گی لیکن موجودہ صورتحال میں کیا حکومت ایسا کوئی قدم اٹھا سکتی ہے۔ کچھ ماہرین کا کہنا ہے کہ عوام کو راحت دینے سے معیشت پٹری پر آئے گی کیونکہ جب لوگوں کی جیب میں پیسہ ہوگا تبھی وہ خریداری کریں گے اور اس خریداری سے معیشت کا پہیہ گھومے گا۔


ویسے تو اب بجٹ کی پہلے کی طرح اہمیت نہیں رہی کیونکہ ملک بھر میں جی ایس ٹی لاگو ہے اور اس کے ساتھ سال میں کئی مرتبہ اقتصادی تبدیلیاں ہوتی رہتی ہیں ۔ گزشتہ ماہ بالواسطہ ٹیکس وصولی میں اضافے کے باوجود موجودہ مالی سال ٹیکس کی وصولی میں کمی طے ہے۔ حکومت اپنی سرمایہ کاری کا نشانہ پورا کرنے کے آس پاس بھی نہیں ہے۔ سال 21۔2020 کے بجٹ میں 2.14 لاکھ کروڑ روپے کی سرمایہ کاری کا نشانہ رکھا گیا تھا جبکہ 19499 کروڑ روپے کی ہی سرمایہ کاری ہوپائی۔سب کی نظریں اب اسی پر ہیں کہ حکومت ان چیلنجز کی موجودگی میں کس طرح کا بجٹ پیش کرتی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔