پٹنہ میں آج سے ایک ہفتہ کے لئے مکمل لاک ڈاؤن

بہار کے پٹنہ ضلع میں کورونا انفیکشن کے تیزی سے بڑھتے معاملوں پر لگام لگانے کے لئے آج سے ایک ہفتہ کے لئے لاک ڈاؤن نافذ کرنے کا فیصلہ لیا گیا ہے۔ ضلع مجسٹریٹ کمار روی نے بدھ کو یہاں بتایا تھاکہ گزشتہ تین ہفتوں میں پٹنہ ضلع میں کووڈ۔19 کے معاملے میں کافی اضافہ ہوا ہے۔ کورونا انفیکشن کی توسیع کو روکنے کے لئے پورے ضلع میں آجسے 16 جولائی ایک ہفتہ تک لاک ڈاﺅن نافذ کرنے کا فیصلہ لیا گیا ہے۔

لاک ڈاﺅن کے دوران ضلع کے سبھی پرائیوٹ اور تجارتی مراکز بند رہیں گے لیکن عوامی نظام تقسیم ( پی ڈی ایس) سمیت خوردنی اشیاء کی دکانیں، پھل، سبزی، دودھ اور ڈیری، گوشت، مچھلی اور مویشیوں کے چارے کی دکانیں کھلی رہیں گی۔ حالانکہ پھل، سبزی اور گوشت۔ مچھلی کی دکانوں کو صبح چھ بجے سے دس بجے تک اور شام چار بجے سے سات بجے تک کھولنے کی اجازت ہوگی۔

ضلع مجسٹریٹ نے بتایا تھا کہ ان کے علاوہ بینک اور انشورنش دفاتر، اے ٹی ایم، پرنٹ اور الیکٹرانک میڈیا، ٹیلی مواصلات، انٹر نیٹ اور اطلاعات و ٹیکنالوجی پر مبنی خدمات، ای کامرس کے توسط سے اناج، دوائیوں اور آلات کی ڈیلیوری، پٹرول پمپ، رسوئی گیس، بجلی پیداوار اور تقسیم، کولڈ اسٹوریج اور ویئر ہاﺅس، پرائیوٹ سیکوریٹی خدمات، صنعتی ادارے اور طبی خدمات بحال رہیں گی۔

کمار روی نے بتایا تھاکہ اس دوران دفاع ، مرکزی سیکوریٹی فورس، ٹریزری، سی این جی ۔ ایل پی جی اور پی این جی، آفات مینجمنٹ، بجلی پیدوار اور تقسیم، ڈاک گھر، نیشنل انفارمیٹک سینٹر، محکمہ موسمیات کے دفاتر کو چھوڑ کر سبھی سرکاری دفاتر بند رہیں گے۔ حالانکہ اس دوران پولیس، ہوم گارڈ، شہری تحفظ، فائر بریگیڈ اور ایمرجنسی خدمات، آفات مینجمنٹ، الیکشن اور جیل محکمہ کے دفاتر، ضلع انتظامیہ، پانی اور صفائی اور نگر پالیکا دفاتر کھلے رہیں گے۔ نگر پالیکا دفاتر میں صرف صفائی عملہ اور آبی سپلائی افسر ہی آئیں گے۔ انہوں نے کہا کہ کھلے رہنے والے سرکاری دفاتر کم سے کم ملازمین کے ساتھ کام کریں گے۔ دیگر سبھی دفاتر اپنے ملازمین اور افسران کو ورک فراہم ہوم کی سہولیات عطا کرسکتے ہیں۔

واضح رہے ضلع کے سبھی پرائیوٹ اور سرکاری اسپتال اور دوا کی دکانیں کھلی رہیں گی۔ اس دوران میں سبھی پوجاپاٹھ مقامات بند رہیں گے اور کچھ مستثنیات کو چھوڑ کر مذہبی پروگراموں کا انعقاد نہیں ہوگا۔ غور طلب ہے کہ پٹنہ ضلع میں حالیہ دنوں میں کورونا انفیکشن کے ریاست میں سب سے ز یادہ 1349 معاملے ہیں۔ وہیں انفکیشن سے بارہ لوگوں کی اموات ہو چکی ہیں۔ حالانکہ ابھی تک پٹنہ میں کل متاثرین میں سے 641 لوگ صحتیاب ہو کر اپنے گھروں کو لوٹ چکے ہیں۔