ناگالینڈ اور میگھالیہ میں ووٹنگ جاری

نا گالینڈ اور میگھالیہ میں صبح سے ووٹنگ جاری ہے اور دونوں ریاستوں میں کل 118 اسمبلی سیٹوں کے لیے ووٹنگ ہو رہی ہے۔

<div class="paragraphs"><p>تصویر بشکریہ سوشل میڈیا، ویڈیو گریب ہف اے این آئی</p></div>

تصویر بشکریہ سوشل میڈیا، ویڈیو گریب ہف اے این آئی

user

قومی آوازبیورو

شمال مشرق کی دوریاستوں میگھالیہ اور ناگالینڈ میں جمہوریت کے عظیم تہوار کے لیے ووٹنگ شروع ہو گئی ہے ۔ دونوں ریاستوں میں صبح سے ووٹنگ جاری ہے۔ دونوں ریاستوں میں کل 118 اسمبلی سیٹوں کے لیے ووٹنگ ہو رہی ہے۔ میگھالیہ میں 59 اسمبلی سیٹوں کے لیے ووٹنگ ہو رہی ہے ۔ ناگالینڈ میں بھی اتنی ہی سیٹوں کے لیے ووٹ ڈالے جا رہے ہیں۔ دونوں ریاستوں کے ووٹوں کی گنتی تریپورہ کے ساتھ 2 مارچ کو ہوگی۔

اس بار میگھالیہ میں تمام پارٹیاں اکیلے میدان میں ہیں۔ 2018 کے برعکس، اس بار بی جے پی اور نیشنل پیپلز پارٹی (این پی پی) نے انتخابات سے قبل کوئی اتحاد نہیں کیا ہے۔میگھالیہ کے سابق وزیر اور یونائیٹڈ ڈیموکریٹک پارٹی (یو ڈی پی) کے امیدوار ایچ ڈی آر لنگڈوہ کی موت کی وجہ سے سوہیونگ سیٹ پر ووٹنگ ملتوی کر دی گئی۔ اس لیے 60 میں سے 59 سیٹوں پر ووٹنگ ہوگی۔


میگھالیہ میں بی جے پی اور کانگریس نے سبھی سیٹوں کے لیے امیدوار کھڑے کیے ہیں۔ این پی پی 57 سیٹوں پر الیکشن لڑ رہی ہے۔ ترنمول کانگریس نے ریاست کی 58 سیٹوں پر امیدوار کھڑے کیے ہیں۔

ناگالینڈ کی 60 میں سے 59 سیٹوں پر ووٹنگ ہونی ہے۔ ریاست کی اکولوتو اسمبلی سیٹ سے بی جے پی امیدوار کاجیتو کمنی بلا مقابلہ جیت گئے ہیں۔ ناگالینڈ میں حکمران نیشنلسٹ ڈیموکریٹک پروگریسو پارٹی (این ڈی پی پی) اور بی جے پی کے اتحاد کا مقابلہ ناگا پیپلز فرنٹ کے ساتھ ہے۔ ناگالینڈ میں این ڈی پی پی نے 40 سیٹوں کے لیے امیدوار کھڑے کیے ہیں جبکہ بی جے پی 20 سیٹوں کے لیے میدان میں ہے۔ کانگریس 23 اور این پی ایف 22 سیٹوں پر الیکشن لڑ رہی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔