انوشکا شرما اور وراٹ کوہلی کو پاکستان سے بھی مبارکباد 

انوشکا شرما اور وراٹ کوہلی دونوں نے اپنے سوشل میڈیا اکاؤنٹس پر اس خوش خبری کا اعلان کرتے ہوئے کہا،'' اور ہم تین ہوگئے، جنوری 2021 میں آمد ہے۔‘‘

کرکٹ کی دنیا کا بڑا نام وراٹ کوہلی اور بھارت کی نامور اداکاراؤں میں شامل انوشکا شرما کی شادی 2017ء میں اٹلی میں ہوئی تھی۔ انہیں بھارت کا مشہور ترین شادی شدہ جوڑا تصور کیا جاتا ہے اور دونوں کو لاکھوں لوگ سوشل میڈیا پر فولو کرتے ہیں۔

نہ صرف بھارت بلکہ اس جوڑے کو پاکستانی مداحوں کی جانب سے بھی مبارکباد دی گئی۔ پاکستان میں آج انوشکا شرما اور وراٹ کوہلی کا نام ٹوئٹر پر ٹرینڈ کرتا رہا۔

اس وقت وراٹ کوہلی دبئی میں ہونے والے انڈین پریمیئر لیگ (آئی پی ایل) کے ٹی ٹونٹی میچز کھیلنے کی تیاری کر رہے ہیں۔ کورونا وائرس کی وبا کے باعٹ انڈین پریمیئر لیگ کا انعقاد متحدہ عرب امارات میں کیا گیا ہے۔