نائب صدر ونکیا نائیڈو جودھ پور کے تاریخی مہران گڑھ قلعہ کو دیکھ کر حیران

اپنی فیس بک پوسٹ میں ونکیا نائیڈو نے تجربہ بانٹتے ہوئے لکھا ہے کہ قلعہ کے اندر شیش محل، پھول محل اور ہمارے دستکاروں اور کاریگروں کی آرٹسٹِک کاریگری اور ان کے ہنر کو ظاہر کرتے ہیں۔

تصویر یو این آئی
تصویر یو این آئی
user

یو این آئی

جودھپور: نائب صدر ایم وینکیا نائیڈو جودھپور کے تاریخی مہران گڑھ قلعہ کی عظمت دیکھ کر حیران ہیں۔ ایم وینکیا نائیڈو اپنے پانچ دن کے راجستھان دورے کے تحت جیسلمیر کے بعد پیر کے روز جودھپور پہنچے اور انہوں نے مہران گڑھ قلعہ کا دورہ کیا۔ اس دوران جے پول پر مہران گڑھ بینڈ کی جانب سے روایتی راجستھانی انداز میں ان کا خیرمقدم کیا گیا۔ اس کے بعد نائب صدر نے مہران گڑھ کے دولت چوک اور میوزیم کا دورہ کیا۔ انہوں نے مہران گڑھ میں باڑمیر آرٹسٹ کی جانب سے گھیر رقص، راجستھان کا روایتی گھومر رقص اور لنگا آرٹسٹوں کی سریلی پیشکش کا مزہ بھی اٹھایا۔

اپنی فیس بک پوسٹ میں ایم وینکیا نائیڈو نے قلعے کو راجستھان کی شان کی زریں علامت قرار دی۔ اپنا تجربہ بانٹتے ہوئے انہوں نے لکھا ہے کہ قلعہ کے اندر شیش محل، پھول محل اور ہمارے دستکاروں اور کاریگروں کی آرٹسٹِک کاریگری اور ان کے ہنر کو ظاہر کرتے ہیں۔ انہوں نے لکھا کہ قلعہ کی دیوار پر کھڑے ہو کر دیکھنے پر جودھپور شہر اتنا ہی شاندار لگتا ہے جتنا منوررم قلعے کے اندر کی خوبصورتی ہے۔


ایم وینکیا نائیڈو نے لکھا کہ یہ مقام ہمیشہ ہی آپ کو حیران کرتا ہے۔ گہرے علم سے بھرا یہ تجربہ بہترین رہا ہے۔ اپنے فیس بک پوسٹ میں نائب صدر نے ہندوستان کی تاریخی اور تہذیبی وراثت میں دلچسپی رکھنے والے سیاحوں اور مسافروں سے ملک کے ایسے مقامات کو دیکھنے کی درخواست بھی کی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔