روپے کی قدر میں آٹھ پیسے کی کمی

روپے کی قیمت گزشتہ دن 73.02 کے مقابلے آٹھ پیسے کی کمی سے 73.10 روپے فی ڈالر رہی جس کا اثر پوری معیشت پر پڑے گا۔

علامتی فائل تصویر آئی اے این ایس
علامتی فائل تصویر آئی اے این ایس
user

قومی آوازبیورو

روپے کی قدر میں کوئی ٹھہراؤ نظر نہیں آ رہا ہے اب تازہ رپورٹ کے مطابق ایک مرتبہ پھر روپے کی قدر میں گراوٹ درج ہوئی ہے۔انٹر بینکنگ کرنسی مارکیٹ میں آج روپیہ آٹھ پیسے کی کمی کے بعد 73.10 روپے فی ڈالر پر آگیا کیونکہ ڈالر بڑی کرنسیوں کے مقابلے میں مضبوط ہوا اور درآمد کنندگان اور بینکاروں کی طرف سے خریداری پر دباؤ آیا۔

واضح رہے منموہن سنگھ کی زیر قیادت یو پی اے حکومت کے دور میں جب بھی روپے کی قیمت میں کمی درج ہوتی تھی تو بی جے پی ان کی سخت تنقید کرتی تھی لیکن بی جے پی کے اقتدار میں آنے کے بعد نہ تو روپے کی قدر میں کوئی استحکام آیا ہے اور نہ ہی مہنگائی میں اضافہ کا رجحان رکا ہے۔


گزشتہ کاروباری دن اس کی قیمت چار پیسے کے اضافے سے 73.02 روپے فی ڈالر تھی۔ ٹریڈنگ کے آغاز پر روپیہ پچھلے سیشن کی سطح 73.02 روپے فی ڈالر پر فلیٹ کھلا اور یہ بھی دن کی بلند ترین سطح تھی۔ خریداری کے دباؤ کی وجہ سے یہ 73.11 روپے فی ڈالر کی کم ترین سطح پر آگیا۔ آخر میں گزشتہ دن 73.02 کے مقابلے آٹھ پیسے کی کمی سے 73.10 روپے فی ڈالر رہا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔