یونیفارم سول کوڈ پر مزید ایک قدم آگے بڑھی اتراکھنڈ حکومت، اصول سازی کے لیے 9 رکنی کمیٹی تشکیل

افسران کا کہنا ہے کہ گورنر نے 9 رکنی کمیٹی کی تشکیل کو قانونی طور سے منظوری دے دی ہے، اس کمیٹی کی صدارت سبکدوش آئی اے ایس افسر شتروگھن سنگھ کریں گے۔

<div class="paragraphs"><p>یونیفارم سول کوڈ (یو سی سی)، علامتی تصویر آئی اے این ایس</p></div>

یونیفارم سول کوڈ (یو سی سی)، علامتی تصویر آئی اے این ایس

user

قومی آوازبیورو

اتراکھنڈ کی پشکر سنگھ دھامی حکومت نے یونیفارم سول کوڈ (یو سی سی) بل کو ریاستی اسمبلی سے پاس کرانے کے بعد اس کے نفاذ کو پیش نظر رکھتے ہوئے مزید ایک قدم آگے بڑھا دیا ہے۔ اس بل کے لیے اصول سازی کے مقصد سے 9 رکنی کمیٹی تشکیل دی گئی ہے۔ اس کمیٹی کی صدارت سبکدوش آئی اے ایس افسر شتروگھن سنگھ کریں گے۔

قابل ذکر ہے کہ رواں ہفتہ کے شروع میں ریاستی اسمبلی میں یو سی سی بل کو صوتی ووٹوں سے منظوری مل گئی تھی۔ اب اس بل کو گورنر سے منظوری ملنی باقی ہے۔ اس درمیان اصول سازی کے لیے 9 رکنی کمیٹی تشکیل دے دی گئی ہے اور افسران کے حوالے سے بتایا جا رہا ہے کہ گورنر نے کمیٹی کی تشکیل کو قانونی منظوری بھی دے دی ہے۔ امید کی جا رہی ہے کہ یہ کمیٹی ریاست میں یو سی سی قانون کو عملی جامہ پہنانے کے لیے سخت اصول بنانے والی ہے۔


میڈیا رپورٹس کے مطابق اس کمیٹی میں جن لوگوں کو شامل کیا گیا ہے ان میں ایڈیشنل سکریٹری پرسونل، ایڈیشنل سکریٹری پنچایت راج، ایڈیشنل سکریٹری شہری ترقی اور ایڈیشنل سکریٹری مالیات، پولیس ڈپٹی انسپکٹر جنرل بریندرجیت سنگھ، دون یونیورسٹی وائس چانسلر سریکھا ڈنگوال اور سماجی کارکن منو گوڑ شامل ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;