ہندوستان کے دو روزہ دورے پر امریکی وزیر خارجہ انٹونی بلنکن دیر رات آج یہاں پہنچیں گے

بلنکن نے کہا کہ ہندوستان اور کویت کے دورے کے لئے میں پرجوش ہوں، ہند -بحر الکاہل اور مغربی ایشیاء کے مشترکہ مفادات کی حمایت میں تعاون کو آگے بڑھانے کے لئے اپنے اتحادیوں کے ساتھ بات چیت کا متمنی ہوں۔

اینٹونی بلنکن، تصویر آئی اے این ایس
اینٹونی بلنکن، تصویر آئی اے این ایس
user

یو این آئی

نئی دہلی: امریکی وزیر خارجہ انٹونی بلنکن اپنے دو روزہ دورہ ہند کے دوران افغانستان اور پاکستان اور ہند -بحر الکاہل خطے کی موجودہ صورتحال نیز عالمی وباء کورونا وائرس سے نمٹنے کی حکمت عملی پر دو طرفہ بات چیت کریں گی۔ انٹونی بلنکن منگل کے روز دیر رات یہاں پہنچیں گے اور بدھ کے روز اپنے ہم منصب ایس جے شنکر سے ملاقات کریں گے اور وزیر اعظم نریندر مودی سے بھی ملاقات کریں گے۔ توقع ہے کہ وہ قومی سلامتی کے مشیر اجیت ڈوبھال سے بھی ملیں گے اور اسی روز شام کویت کے لئے روانہ ہو جائیں گے۔

سفر سے قبل اپنے ٹوئٹ میں انٹونی بلنکن نے کہا کہ "میں ہندوستان اور کویت کے دورے کے لئے پرجوش ہوں۔ میں ہند -بحر الکاہل اور مغربی ایشیاء کے خطے کے مشترکہ مفادات کی حمایت میں تعاون کو آگے بڑھانے کے لئے اپنے اتحادیوں کے ساتھ بات چیت کا متمنی ہوں"۔


قابل ذکر ہے کہ امریکی وزیر خارجہ کا یہ دورہ افغانستان سے امریکی فوج کے انخلاء سے ایک ماہ قبل ہو رہا ہے۔ ہندوستان نے افغانستان میں طالبان کے ساتھ بڑھتے ہوئے تنازعہ اور وہاں کی بگڑتی ہوئی صورتحال پر بھی تشویش کا اظہار کیا ہے۔ سرکاری ذرائع کے مطابق انٹونی بلنکن کے ساتھ بات چیت میں فوجی مشقیں، دفاعی تعاون کے تبادلوں اور ٹیکنالوجی سے متعلق امور شامل ہوں گے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔