یوپی: ہاپوڑ میں مسلم نوجوان کا پیٹ پیٹ کر قتل، گاؤں میں کشیدگی

ہاپوڑ کے ایک گاؤں میں ایک 25 سالہ مسلم نوجوان کو مشتعل ہجوم نے پیٹ پیٹ کر قتل کر دیا۔ اس واقعہ کے بعد گاؤں میں کشیدگی پائی جاتی ہے

موب لنچنگ، تصویر آئی اے این ایس
موب لنچنگ، تصویر آئی اے این ایس
user

قومی آوازبیورو

ہاپوڑ: ہاپوڑ کے ایک گاؤں میں ایک 25 سالہ مسلم نوجوان کو مشتعل ہجوم نے پیٹ پیٹ کر قتل کر دیا۔ اس واقعہ کے بعد گاؤں میں کشیدگی پائی جاتی ہے۔ رپورٹ کے مطابق مقتول ارشاد محمد کی موٹر سائیکل منگل کی رات دیر گئے گاؤں لوہاری میں دسہرہ کی تقریبات میں شریک ایک شخص سے ٹکرا گئی تھی۔

معمولی حادثہ پر جھگڑا ہوا جو جلد ہی پرتشدد ہو گیا اور لوگوں کے ایک گروپ نے ارشاد محمد کو مارنا شروع کر دیا۔ اس پر پتھر سے حملہ کیا گیا۔ پولیس نے بتایا کہ اسے مقامی اسپتال لے جایا گیا جہاں ڈاکٹروں نے اسے مردہ قرار دیا۔ جیسے ہی ارشاد کی موت کی خبر گاؤں میں پہنچی، اس کے اہل خانہ اور مقامی لوگ موقع پر پہنچ گئے اور دونوں گروپوں نے ایک دوسرے پر حملہ کیا۔


بہادر گڑھ پولیس موقع پر پہنچی اور بھیڑ کو منتشر کرنے کے لیے طاقت کا استعمال کرنا پڑا۔ ہاپوڑ کے پولیس سپرنٹنڈنٹ ابھیشیک ورما نے کہا، "ہم نے ارشاد کی پٹائی کرنے والے پانچ لوگوں کی شناخت کر لی ہے اور انہیں جلد ہی گرفتار کر لیا جائے گا۔ اس سلسلے میں بہادر گڑھ پولیس سٹیشن میں ایف آئی آر درج کرائی گئی ہے۔ اس بات کو یقینی بنانے کے لیے کہ اس واقعے کی وجہ سے مزید پریشانی سے بچا جا سکے، لوہاری گاؤں میں پولیس فورس تعینات کر دی گئی ہے۔‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;