اساتذہ بھرتی گھپلہ اتر پردیش حکومت کی ملی بھگت سے ہوا ہے: پرینکا

لاکھوں نوجوانوں نے امتحان دیا، لاکھوں نے نوکری کی امید لگائی، لاکھوں نے سال بھر انتطا رکیا اور بی جے پی حکومت کی ناک کے نیچے سسٹم میں بیٹھے لوگوں کی ساز باز سے مہا گھوٹالہ ہوتا رہا۔

سوشل میڈیا
سوشل میڈیا
user

یو این آئی

کانگریس جنرل سکریٹری محترمہ پرینکا گاندھی نے اساتذہ بھرتی گھپلہ معاملے میں اترپردیش حکومت کو کٹہرے میں کھڑا کرتے ہوئے کہا ہےکہ یہ بڑا گھوٹالہ حکومت کی ساز باز سے ہوا ہے اور اس میں لاکھوں نوجوانوں کے مستقبل کو داؤ پر لگا دیا گیا ہے۔ اس لئے یوگی حکومت کو اس بارے میں جواب دینا پڑے گا۔

کانگریس کی اترپردیش کی انچارج جنرل سکریٹری پرینگا گاندھی نے جمعرات کو ٹوئٹ کرکے الزام لگایا کہ یہ گھوٹالہ حکومت کی ناک کے نیچے ہوا اور اسے دباکر رکھا گیا ہے۔ اس سلسلے میں وزیراعلی یوگی آدتیہ ناتھ حکومت کو مسلسل ہدف تنقید بنارہیں محترمہ گاندھی کا ماننا ہے کہ افسران کی ساز باز کے بغیر اتنا بڑا گھپلہ نہیں ہوسکتا۔ اس لئے ریاستی حکومت کو اس سلسلے میں اٹھنے والے سوالوں کا جواب دینا چاہیے۔


انہوں نے ٹوئٹ کیا کہ ’’لاکھوں نوجوانوں نے امتحان دیا۔ لاکھوں نے نوکری کی امید لگائی۔ لاکھوں نے سال بھر انتطا رکیا۔ بی جے پی حکومت کی ناک کے نیچے سسٹم میں بیٹھے لوگوں کی ساز باز سے مہا گھوٹالہ ہوتا رہا۔ سال بھر اسے دبائے رکھا گیا۔ اب حکومت کو امتحان میں شامل ہوئے محنتی طلبا اور کامیاب ہوئے لوگوں کو جواب دینا ہی ہوگا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔