یوپی کے وزیر اعلیٰ یوگی آدتیہ ناتھ اور سابق وزیر اعلیٰ اکھلیش یادو بھی کورونا سے متاثر

وزیر اعلی یوگی آدتیہ ناتھ نے اپنے کورونا وائرس سے متاثر ہونے کی اطلاع ٹوئٹرپر دی ہے، ان کا ٹسٹ کل ہوا تھا جس کی رپورٹ آج آئی ہے، وہیں صوبہ کے سابق وزیر اعلیٰ اکھلیش یاو بھی کورونا سے متاثر پائے گئے

تصویر سوشل میڈیا
تصویر سوشل میڈیا
user

قومی آوازبیورو

لکھنؤ: ملک میں عالمی وبائی مرض کی دوسری لہر نے وزیر اعلی یوگی آدتیہ ناتھ بھی متاثر پائے گئے ہیں آج ان کی کورونا ٹیسٹ رپورٹ مثبت آنے کے بعد وہ خود کورنٹائن میں چلے گئے ہیں وزیراعلی کے دفتر کے او ایس ڈی ، ایڈیشنل چیف سکریٹری اور سی ایم یوگی آدتیہ ناتھ کے نجی سکریٹری کے کورونا پازیٹیو پائے جانے کے بعد سے ہی بے حد احتیاط برت رہے تھے اور انہوں نے کل ہی خود کو آئسولیٹ کرلیا تھا۔

چیف منسٹر آفس انتہائی احتیاط برت رہا تھا اور انہوں نے کل خود کو الگ تھلگ کر لیا تھا۔ وزیر اعلی نے اپنے کوروناوائرس سے متاثر ہونے کی اطلاع ٹوئٹرپر دی ہے۔ ان کا ٹسٹ کل ہوا تھا جس کی رپورٹ آج آئی ہے۔


انہوں نے بتایا کہ وہ اپنے سرکاری رہائش گاہ میں کورنٹائن میں ہیں اور وہیں سے سرکاری کام کررہے ہیں۔ چیف منسٹر آفس کے ایڈیشنل چیف سکریٹری ایس پی گوئل ، سکریٹری اجیت سنگھ اور ان کے او ایس ڈی ابھیشیک کوشک کورونا پوزیٹیو پائے گئے تھے۔ اس کے بعد کل وزیر اعلی آئسولیشن میں چلے گئے تھے۔

کانگریس کی جنرل سکریٹری پرینکا گاندھی نے یوگی آدتیہ ناتھ کی جلد صحت یابی کی خواہش کا اظہار کیا ہے۔ انہوں نے ٹوئٹر پر لکھا، ’’یوگی آدتیہ ناتھ جی اور اکھلیش یادو جی آپ دونوں کے کورونا پازیٹو ہونے کی اطلاع موصول ہوئی۔ خدا سے دعا ہے کہ آپ سلامت رہیں اور جلد صحت یابی حاصل کریں۔‘‘


خیال رہے کہ آج یوپی کے سابق وزیر اعلیٰ اکھلیش یادو نے بھی خود کے کورونا سے متاثر ہونے کی اطلاع فراہم کی۔ انہوں نے کہا ہے کہ وہ خانگی قرنطینہ میں چلے گئے ہیں۔

اکھلیش یاوو نے ٹوئٹر پر لکھا، ’’ابھی ابھی میری کورونا ٹیسٹ کی رپورٹ پازیٹو آئی ہے۔ مین نے اپنے آپ کو سب سے الگ کر لیا ہے اور گھر پر ہی علاج شروع ہو گیا ہے۔ گزشتہ کچھ دنوں سے جو لوگ میرے رابطہ میں آئے ہیں اس سب سے میری مودبانہ درخواست ہے کہ وہ بھی جانچ کرا لیں۔ ان سبھی سے آئسولیشن میں رہنے کی گزارش ہے۔‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔