بیرونی ممالک میں پھنسے ہزاروں ہندوستانیوں کی وطن واپسی غیر یقینی کا شکار

ذرائع کے مطابق 53 ممالک میں 3336 ہندوستانی شہریوں کو کورونا وائرس سے متاثر پایا گیا ہے۔ اس کے علاوہ اس وبا کی زد میں آکر تقریباً 25 ہندوستانیوں کی موت بھی ہوگئی ہے۔

تصویر سوشل میڈیا
تصویر سوشل میڈیا
user

یو این آئی

نئی دہلی: کووڈ۔ 19 کی عالمی وبا کے دوران ہندوستان میں پھنسے 48 ممالک کے تقریباً 35 ہزار شہریوں کو ان کے وطن واپس بھیجا جا چکا ہے لیکن دنیا کے 53 ممالک میں کورونا سے 3336 متاثر سمیت ہزاروں ہندوستانوں کی وطن واپسی غیر یقینی کا شکار ہے۔

ذرائع نے بتایا کہ کووڈ۔ 19عالمی وبا کے سبب ملک گیر لاک ڈاؤن کے بعد سے وزارت خارجہ نے وزارت داخلہ، شہری ہوابازی کی وزارت اور ریاستی سرکاروں خاص کر ریاستی پولیس فورس کی مدد سے 48 مملکوں کے تقریباً 35 ہزار لوگوں کو ان کے وطن بھیجا ہے۔


انہوں نے یہ بھی بتایا کہ 53 ممالک میں 3336 ہندوستانی شہریوں کو کورونا وائرس سے متاثر پایا گیا ہے۔ اس کے علاوہ اس وبا کی زد میں آکر تقریباً 25 ہندوستانیوں کی موت بھی ہوگئی ہے۔ انہوں نے کہا کہ جہاں تک ان کی وطن واپسی کا سوال ہے، اس بارے میں کچھ کہا نہیں جاسکتا۔ اگرچہ ہندوستانی مشن اس بارے میں متعلقہ ممالک کی حکومتوں کے رابطے میں ہے۔

ایک سوال کے جواب میں انہوں نے مانا کہ برطانیہ میں کچھ لوگ قلیل مدتی ویزا پر سرکاری کاموں سے گئے تھے لیکن وہ وہاں پھنس گئے ہیں لیکن ان کی واپسی کے منصوبے کے بارے میں ابھی کچھ کہنے کے حالات نہیں ہیں۔ حکومت کی کوشش ہے کہ وہاں چھوٹ ملنے پر جتنی جلدی ممکن ہو، انہیں وہاں سے نکالا جائے گا۔


پاکستان کے 180 شہریوں کو ان کے ملک واپس بھیجنے کے بارے میں پوچھے جانے پر ذرائع نے کہا کہ ان میسے کچھ کو بھیجا جاچکا ہے اور باقی کو بھیجنے کا عمل جاری ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔