پریشانی کے وقت میں یو اے ای نے کہا ’مضبوط رہو ہندوستان‘

ہندوستان میں کورونا وبا سے حالات بہت خراب ہیں اور کل یعنی اتوار کو ایک دن میں ساڑے تین لاکھ سے زیادہ کورونا کے نئے مریض سامنے آئے ہیں اور 28 سو سے زیادہ لوگوں کی اس وبا سے موت ہو چکی ہے۔

تصویر ویڈیو گریب بشکریہ ہندوستانی سفارتخانہ یو اے ای کے ٹویٹ سے
تصویر ویڈیو گریب بشکریہ ہندوستانی سفارتخانہ یو اے ای کے ٹویٹ سے
user

قومی آوازبیورو

ہندوستان کے ان فرقہ پرست ذہنوں کو سمجھنے کی ضرورت ہے کہ فرقہ پرستی دوست کم کرتی ہے اس لئے اس سے پرہیز کرنا چاہیے۔ پریشانی کی گھڑی میں مذہبی بنیادوں پر نہیں بلکہ مذہب سے اوپر اٹھ کر سوچنے کی ضرورت ہوتی ہے اور متحدہ عرب امارات نے اس کا مظاہرہ کیا ہے اور اپنی سب سے اونچی عمارت ’برج خلیفہ‘ پر ہندوستان سے یکجہتی کا اظہار کرتے ہوئے لکھا ہے ’اسٹے اسٹرونگ انڈیا ‘ یعنی مضبوط رہو ہندوستان۔

ہندوستان میں کورونا وبا سے حالات بہت خراب ہیں اور کل یعنی اتوار کو ایک دن میں ساڑے تین لاکھ سے زیادہ کورونا کے نئے مریض سامنے آئے ہیں اور 28 سو سے زیادہ لوگوں کی اس وبا سے موت ہو چکی ہے۔ ہندوستان کا طبی ڈھانچہ پوری طرح بیٹھ گیا ہے۔ لوگ بے انتہا پریشان ہیں۔ آکسیجن کی کمی کی وجہ سے کئی لوگوں کی جانیں جا چکی ہیں۔


ان حالات میں پاکستان، چین، امریکہ، برطانیہ، جرمنی، فرانس اور سعودی عرب نے ہندوستان کی مدد کا ہاتھ بڑھایا ہے۔ سعودی عرب نے 80 میٹرک ٹن آکسیجن بھیجی ہے۔ اس سب کے بیچ متحدہ عرب امارات نے ہندوستان کی اس سخت گھڑی میں ہمت بندھاتے ہوئے یکجہتی کا اظہار کیا ہے۔ متحدہ عرب امارات یعنی یو اے ای نے دبئی میں موجود دنیا کی سب سے اونچی عمارت برج خلیفہ پر ہندوستان کے لئے ترنگے جھنڈے کے ساتھ لکھا ہے ’اسٹے اسٹرونگ انڈیا‘۔


یو اے ای میں ہندوستان کے سفارتخانہ نے ٹوئٹر پرلکھا ہے’ ہندوستان کورونا وائرس کے خلاف جنگ لڑ رہا ہے ایسے میں اس کا دوست ملک یواے ای نیک خواہشات بھیجتا ہے‘‘۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔