گیا میں47 کیلوگرام چاندی کے ساتھ دو اسمگلر گرفتار

اجے پرکاش نے بتایا کہ وہ بنگال سے چاندی کو لیکر چلے تھے۔ جو گیا کے صرافہ منڈی میں سپلائی کی جانی تھی۔ گرفتار دونوں اسمگلروں کی شناخت بنگال باشندہ وشو رنجن مونا اور شوبھاشیش موتی کے طور پر کی گئی ہے۔

گرفتار، علامتی تصویر آئی اے این ایس
گرفتار، علامتی تصویر آئی اے این ایس
user

یو این آئی

گیا: بہار میں گیا ریلوے جنکشن سے ریلوے سیکوریٹی فورس ( سی آر پی ایف) نے منگل کو قریب 47 کیلوگرام چاندی کے ساتھ دو اسمگلروں کو گرفتار کرلیا۔ ریلوے سیکوریی فورس آر پی ایف کے انسپکٹر اجے پرکاش نے یہاں بتایا کہ نوراتری اتسو کے مد نظر خصوصی جانچ مہم چلائی جارہی ہے۔

اس دوران گیا ریلوے اسٹیشن کے پلیٹ فارم نمبر ایک پر 02815 نندن کانن ایکسپریس سے اترے دو لوگوں کی شک کی بنیاد پر تلاشی لی گئی۔ تلاشی کے دوران ان کے بیگ سے 46 کیلو چھ سو گرام چاندی برآمد کی گئی۔ چاندی سے متعلق کاغذات نہیں رہنے کی وجہ سے دونوں کو گرفتار کرلیا گیا ہے۔


اجے پرکاش نے بتایا کہ وہ بنگال سے مذکورہ چاندی کو لیکر چلے تھے۔ جو گیا کے صرافہ منڈی میں سپلائی کی جانی تھی۔ گرفتار دونوں اسمگلروں کی شناخت بنگال باشندہ وشو رنجن مونا اور شوبھاشیش موتی کے طور پر کی گئی ہے۔ برآمد چاندی کی بازار میں قیمت قریب 28 لاکھ روپے بتائی جا رہی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔