کولگام تصادم، لشکر طیبہ کے 2 ملی ٹنٹ گرفتار
انسپکٹر جنرل وجے کمار نے تصدیق کرتے ہوئے کہا کہ کولگام میں مختصر تصادم کے بعد دو ملی ٹنٹوں نے سرینڈر کیا اور یہ دونوں ملی ٹنٹ پی ڈٰ پی لیڈر حاجی پرویز احمد کے ذاتی محافظ کے قتل میں لوث تھے۔
سری نگر: جنوبی کشمیر کے ضلع کولگام میں منگل کی علی الصبح سیکورٹی فورسز اور ملی ٹنٹوں کے مابین مختصر تصادم کے بعد لشکر طیبہ سے وابستہ دو ملی ٹنٹوں کو گرفتار کیا گیا۔ پولیس ذرائع نے تفصیلات فراہم کرتے ہوئے بتایا کہ ملی ٹنٹوں کے چھپنے کی مصدقہ اطلاع موصول ہونے پر فوج کی 34 آر آر، سی آر پی ایف اور پولیس کی ایک مشترکہ ٹیم نے ضلع کولگام کے ٹونگڈونو علاقے کو منگل کی علی الصبح محاصرے میں لے کر تلاشی آپریشن شروع کر دی گئی ہے۔
انہوں نے بتایا کہ جوں ہی تلاشی آپریشن کی ایک ٹیم مشتبہ مقام کے نزدیک پہنچی تو وہاں چھپے ملی ٹنٹوں نے فائرنگ شروع کر دی جس کے نتیجے میں طرفین کے درمیان تصادم چھڑ گیا۔ ذرائع نے بتایا کہ اہل خانہ، جنہیں جائے تصادم پر طلب کیا گیا، کی طرف سے اپلیوں کے بعد دو ملی ٹنٹوں نے سرینڈر کیا۔
انہوں نے بتایا کہ سرینڈر کرنے والے ملی ٹنٹوں کا تعلق لشکر طیبہ نامی ملی ٹنٹ تنظیم سے ہے۔ دریں اثنا کشمیر پولیس زون کے انسپکٹر جنرل وجے کمار نے تصدیق کرتے ہوئے کہا کہ کولگام میں مختصر تصادم کے بعد دو ملی ٹنٹوں نے سرینڈر کیا اور یہ دونوں ملی ٹنٹ پی ڈٰ پی لیڈر حاجی پرویز احمد کے ذاتی محافظ کے قتل میں لوث تھے۔
یہ بھی پڑھیں : سر سید ایسی تعلیم کے حق میں تھے جو معاشی مسائل حل کر سکے
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔