ٹرمپ نے انڈیا ٹوڈے میگزین کا سرورق پوسٹ کیا

امریکی صدر ڈونالڈ ٹرمپ نے پیر کے روز انڈیا ٹوڈے میگزین کے "نیوز میکرز آف دی ایئر 2025" کے شمارے کا سرورق اپنے سوشل میڈیا پلیٹ فارم، ٹروتھ سوشل پر شیئر کیا، جس میں وزیر اعظم نریندر مودی کے ساتھ ان کی تصویر شامل ہے۔ سرورق کا عنوان "The Mover & The Shaker" تھا۔ ٹرمپ نے پوسٹ کا کیپشن نہیں لکھا، جس کی وجہ سے ابتدائی طور پر یہ واضح نہیں ہوا کہ وہ کیا پیغام دینے کی کوشش کر رہے ہیں۔

امریکی سفیر سرجیو گور نے پیر کو آج تک کے ساتھ ایک خصوصی انٹرویو میں ٹرمپ کے انڈیا ٹوڈے میگزین کے سرورق کو ٹروتھ سوشل پر پوسٹ کرنے کے پیچھے کی کہانی کی وضاحت کی۔ انہوں نے کہا، "میں آج تک کے سامعین کے ساتھ کچھ شیئر کرنا چاہوں گا ۔میں  راج (راج چینگپا - گروپ ایڈیٹوریل ڈائریکٹر پبلشنگ، انڈیا ٹوڈے گروپ) سے یوم جمہوریہ کے استقبالیہ میں ملاقات کی جس کی میزبانی  ہندوستانی صدر دروپدی مرمونے کی تھی۔ میں نے انہیں بتایا کہ میں ایک میٹنگ میں گیا تھا جہاں میں نے واقعی ایک شاندار سرورق دیکھا۔ میں نے اس کی تصویر لی اور صدر کو بھیج دی۔ مجھے اندازہ نہیں تھا کہ وہ اسے آن لائن پوسٹ کریں گے۔ اگر مجھے معلوم ہوتا تو میں اس سے بہتر تصویر لیتا، کیونکہ یہ تھوڑی مڑی ہوئی تھی ۔ مجھے خوشی ہے کہ آپ نے حال ہی میں مجھے بالکل نئی کاپیاں بھیجی ہیں، جو اب وائٹ ہاؤس کو بھیج دی گئی ہیں۔'

جب ان سے پوچھا گیا تو امریکی سفیر سرجیو گور نے کہا کہ "ٹیرف کو 50 فیصد سے کم کرکے 18 فیصد کرنے کا معاہدہ طے پا گیا ہے، حتمی ٹیرف 18 فیصد پر برقرار رہے گی، اس میں ایک یا دو گھنٹے لگ سکتے ہیں، کچھ تکنیکی رسمی  کو مکمل کرنے اور کاغذات پر دستخط کرنے کی ضرورت ہے، لیکن حتمی اعداد و شمار 18 فیصد پر ہی رہیں گے۔‘‘