پاکستان، تاجکستان اور ہندوستان کے کئی حصوں میں زلزلے کے تیز جھٹکے

زلزلےکے جھٹکےہندوستان کےکئی حصوں کےعلاوہ پاکستان اور تاجکستان میں بھی محسوس کئے گئے۔

علامتی تصویر آئی اے این ایس
علامتی تصویر آئی اے این ایس
user

قومی آوازبیورو

دہلی این سی آر سمیت ہندوستان کے کئی حصوں میں تیز زلزلے کے جھٹکے محسوس ہوئے جس کے بعد کئی علاقوں میں خوفزدہ لوگ گھروں سےباہرنکل آئے۔

رات 10بج کر31 منٹ پر ہندوستان کے کئی حصوں میں زلزلےکے جھٹکے محسوس کئے گئے اور اس کی شدت6.3بتائی گئی ہے۔ زلزلےکے جھٹکےہندوستان کےکئی حصوں کےعلاوہ پاکستان اور تاجکستان میں بھی محسوس کئے گئے۔


دہلی میں زلزلہ کے جھٹکے محسوس ہوتے ہوئے مختلف مقامات پر لوگوں کے درمیان افراتفری مچ گئی اور وہ گھروں سے نکل کر کھلی جگہ پر آگئے۔کشمیر سےملنےوالیاطلاعات کےمطابق جھٹکو کےبعدلوگ خوفزدہ ہوگئے اور بڑی تعداد میں اپنے گھروں سے باہر نکل کر کھلی جگہ میں آ گئے۔


زلزلہ کی وجہ سے کسی طرح کے جان و مال کے نقصان کی فوری طورپر کوئی رپورٹ نہیں ہے۔یہ جھٹکے اس وقت آئےجب لوگ گھروں پر تھےاور سونے کی تیاری کر رہے تھے۔لوگوں نے تصاویر اور ویڈیو شئیر کیں ۔ جس میں کانگریس کی ترجمان راگنی نائک نے ویڈیو شئیر کرتے ہوئے ٹویٹ کیا ’’ قیامت سے کیا ڈرے کوئی، اب قیامت روز ہی آتی ہے۔ایک مرتبہ پھر دہلی میں زلزلے کے جھٹکے محسوس ہوئے، امید ہے کہ سبھی لوگ محفوظ ہوں گے۔‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 13 Feb 2021, 6:40 AM