ہندوستان آنے والے مسافروں کے لئے نئی رہنما ہدایات جاری
وندے بھارت مشن کے تحت سفر کے خواہش مند لوگوں کو اس ملک کے ہندوستانی سفارتخانہ میں اپنا رجسٹریشن کرانا ہوگا، جہاں وہ مقیم ہیں یا پھنسے ہوئے ہیں۔
مرکزی حکومت نے کووڈ۔19وبا کے پیش نظر بیرون ملک سے ہندستان آنے والے مسافروں کے لئے نئی رہنما ہدایات جاری کی ہیں جس کے تحت وندے بھارت مشن کے تحت وطن واپس آنے والے مسافروں کو سفر کے لئے اس ملک کے ہندوستانی سفارتخانہ میں اپنا رجسٹریشن کرانا ہوگا جہاں وہ مقیم ہیں یا پھنسے ہوئے ہیں۔
حکومت نے کورونا وائرس کووڈ۔ 19کے انفیکشن کے پھیلاو کو کنٹرول کرنے کے لئے ملک سے باہر جانے والے بیرون ملک سے ملک میں آنے سے متعلق ضابطوں میں کئی تبدیلیاں کی ہیں۔ بیرون ملک میں پھنسے ہندوستانیوں کو وطن واپس لانے کے لئے ہی وندے بھارت مشن کی شروعات کی گئی۔ اس کے علاوہ شہری ہوابازی وزارت نے کچھ ممالک کے ساتھ متناسب بنیاد پر محدود تجارتی مسافر پروازوں کو شروع کرنے کے لئے ’ایئر ٹرانسپورٹ ببل’کے نام سے نیا نظام شروع کیا ہے۔
آج جاری نئی رہنما ہدایات کے مطابق ان طیاروں سے سفر کرنے کے لئے وہی زمرہ اہل ہوگا جسے مرکزی وزارت داخلہ کی طرف سے اجازت ہوگی۔ وندے بھارت مشن کے تحت سفر کے خواہش مند لوگوں کو اس ملک کے ہندوستانی سفارتخانہ میں اپنا رجسٹریشن کرانا ہوگا، جہاں وہ مقیم ہیں یا پھنسے ہوئے ہیں۔ ایئر ٹرانسپورٹ ببل نظام کے تحت سفر کرنے کے لئے رجسٹریشن کی ضرورت نہیں ہوگی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔