کرناٹک ضمنی انتخابات کے پیش نظر تین دنوں کا اسمبلی اجلاس

وزیرقانون جے سی مدھوسوامی نے کہا کہ ’’اس اجلاس میں ضمنی بجٹ پیش کیا جائےگا، اس کے علاوہ قومی آفات راحت فنڈ اور دیگر کا بجٹ مختص کیا جانا ہے۔‘‘

تصویر سوشل میڈیا
تصویر سوشل میڈیا
user

یو این آئی

بنگلورو: کرناٹک میں 15 اسمبلی حلقوں میں ہونے والے ضمنی انتخابات کے پیش نظر ریاستی کابینہ نے اسمبلی کے سرمائی اجلاس کو صرف تین دن کرنے کا فیصلہ کیا ہے۔ اسمبلی کا سرمائی اجلاس اب 10 سے 12 اکتوبر کے دوران ہوگا۔ اس سے پہلے اجلاس کی کارروائی 14 سے 26 اکتوبر تک ہونے کا پروگرام طے تھا۔

وزیرقانون جے سی مدھوسوامی نے کابینہ کی میٹنگ کے بعد پیر کو نامہ نگاروں سے کہا کہ ریاستی حکومت کے پاس کوئی اور متبال نہیں تھا کیونکہ چناؤ کمیشن نے کرناٹک کے 15 اسمبلی پولنگ مراکز پر 21 اکتوبر کو الیکشن کرانے اور 24اکتوبر کو ووٹوں کی گنتی کرانے کا اعلان کیا ہے۔

وزیرقانون جے سی مدھوسوامی نے کہا کہ ’’اس اجلاس میں ضمنی بجٹ پیش کیا جائےگا، اس کے علاوہ قومی آفات راحت فنڈ اور دیگر کا بجٹ مختص کیا جانا ہے۔‘‘ واضح رہے کہ حکومت کو کنسولیڈیٹڈ فنڈ سے پیسہ نکالنے کےلئے 31اکتوبر سے پہلے سپلی مینٹری بل(ضمنی) پاس کرانا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔