سی اے بی سے پورا ملک جل رہا ہے: سماجوادی پارٹی
سماجوادی پارٹی کا کہنا ہے کہ اس قانون کے تحت نہ جانے کتنے لوگوں کو ملک سے نکالا جائے گا اور دوسرا ملک انھیں لینے کو تیار نہیں ہوگا تو اس صورتحال میں وہ بے موت مر جائیں گے
مین پوری: سماجوادی پارٹی نے اتوار کو کہا کہ شہریت (ترمیمی ) بل 2019 (سی اے بی) اور این آر سی کا ملا کر استعمال کرنے سے ملک ٹوٹنے کی نوبت کو پہنچ جائے گا۔ ایک نجی پروگرام میں آئے سماجوادی پارٹی کے جنرل سکریٹری رام گوپال یادو نے یہاں کہا کہ سی اے بی اور این آرسی کا ملاکر استعمال کرنے سے ملک کے حالات بے حد خراب ہوجائیں گے۔
مخالفت کے باوجود مرکزی حکومت نے اسے پاس تو کروا لیا لیکن آج پورا شمال مشرق جل رہا ہے۔ انہوں نے کہا کہ اس قانون کے تحت نہ جانے کتنے لوگوں کو ملک سے نکالا جائے گا اور دوسرا ملک انھیں لینے کو تیار نہیں ہوگا تو اس صورتحال میں وہ بے موت مر جائیں گے۔ اس قانون کی شدید مخالفت ہو رہی ہے۔
آسام کے ڈبروگڑھ میں راشٹریہ سویم سیوک سنگھ (آر ایس ایس) کے ہیڈکوارٹر اور وزیر اعلیٰ کے دفاتر کو پھونک دیا گیا ہے۔ ہمسایہ ملک چین اور پاکستان، ہندوستان کو توڑنے کی کوشش کررہے ہیں جسے ملک کے حکمراں سمجھ نہیں پارہے ہیں، یہ ملک کی بدقسمتی ہے۔
انہوں نے کہا کہ ملک اور مذہب کی بات کرنے والی بی جے پی کے تحفظ میں خواتین اور لڑکیوں کے ساتھ جنسی زیادتی جیسے سنگین جرائم کا ارتکاب کیا جارہا ہے۔ انہوں نے چنمیانند کا نام لیے بغیر کہا کہ سابق رکن پارلیمنٹ کے خلاف تمام ثبوت دینے کے بعد بھی لڑکی کو ہی جیل میں ڈال دیا گیا تھا۔ اسی طرح اناؤ کیس میں متاثرہ کے اہل خانہ کے خلاف کارروائی کر دی گئی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔