بہار میں 26 جون سے ہونے والا ٹیچر اہلیت کا امتحان ملتوی، نئی تاریخ کا جلد کیا جائے گا اعلان

بہار اسکول ایگزامینیشن بورڈ نے 26 سے 28 جون تک ہونے والے دوسرے ٹیچر اہلیت کے امتحان (ٹی ای ٹی) کو ملتوی کر دیا ہے۔ کمیٹی نے کہا ہے کہ امتحان ناگزیر وجوہات کی بنا پر ملتوی کیا جا رہا ہے

<div class="paragraphs"><p>سوشل میڈیا</p></div>

سوشل میڈیا

user

قومی آوازبیورو

پٹنہ: بہار اسکول ایگزامینیشن بورڈ نے 26 سے 28 جون تک ہونے والے دوسرے اساتذہ کی اہلیت کے امتحان (ٹیچر ابلیٹی ٹیسٹ، ٹی ای ٹی) کو ملتوی کر دیا ہے۔ کمیٹی نے کہا ہے کہ امتحان ناگزیر وجوہات کی بنا پر ملتوی کیا جا رہا ہے۔

دراصل، بہار پبلک سروس کمیشن کے ذریعہ ہیڈ ٹیچر کے عہدہ پر تقرری کا امتحان بھی 28 اور 29 جون کو ہونا ہے۔ کئی اساتذہ تنظیموں نے دونوں امتحانات کی تاریخ میں توسیع کا مطالبہ کیا تھا کیونکہ تاریخیں ایک ساتھ تھیں۔ مانا جا رہا ہے کہ بہار اسکول ایگزامینیشن کمیٹی نے اسی وجہ سے امتحان ملتوی کر دیا ہے۔


کمیٹی کے زیر اہتمام ہونے والے امتحان میں 85 ہزار سے زائد اساتذہ شرکت کریں گے۔ کمیٹی کے مطابق لوکل باڈی کے ٹیچرز کا اہلیت ٹیسٹ 2024-دوم جو کہ 26 سے 28 جون کے درمیان ہونا تھا، ناگزیر وجوہات کی بنا پر ملتوی کر دیا گیا ہے۔

تاہم، امتحان کا داخلہ کارڈ جمعہ کو ہی جاری کیا گیا تھا۔ پرائمری اسکول (کلاس 1 تا 5) ٹیچر امیدوار، مڈل اسکول (کلاس 6 تا 8) ٹیچر امیدوار، سیکنڈری اسکول (کلاس 9 تا 10) ٹیچر امیدوار اور ہائیر سیکنڈری اسکول (کلاس 11 تا 12) ٹیچر امیدواروں کا امتحان لیا جانا ہے۔

امتحان میں 150 معروضی سوالات کے جواب 2:30 گھنٹے میں دینے ہوں گے۔ بتایا گیا کہ نئی تاریخ کا اعلان جلد کیا جائے گا۔ بہار پبلک سروس کمیشن کے ذریعہ ہیڈ ٹیچر کے عہدہ پر تقرری کا امتحان بھی 28 اور 29 جون کو ہونا ہے۔ یہ مقررہ وقت پر ہوگا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔