گہلوت کا مودی کو خط، فوڈ سیکورٹی کے مستحقین کے دائرے کا تعین از سر نو کیا جائے

راجستھان کے وزیراعلی اشوک گہلوت نے وزیراعظم نریندرم ودی کو خط تحریر کرکے ملک میں سال 2011کی آبادی کی بنیاد پر تعین نیشنل فوڈ سیکورٹی اسکیم (این ایف ایس اے) کے مستفید کی حد کو موجودہ آبادی کی بنیاد پر بڑھانے کی درخواست کی ہے۔

گہلوت نے خط میں لکھا ہے کہ گزشتہ دس برسوں میں ملک کی تمام ریاستوں کی آبادی میں اضافہ ہوا ہے اور کئی کنبے فوڈ سیکورٹی کے مستحقین کے دائرے میں آگئے ہیں۔ ایسے ضرورت مندو کنبوں کی فوڈ سیکورٹی یقینی بنانے کیلئے 2021کی اندازہ آبادی کے مطابق فوڈ سیکورٹی کی سیلنگ کا تعین کیا جانا ضروری ہے۔

انہوں نے خط میں کہاکہ ریاست میں فوڈ سیکورٹی کے تحت مرکزی حکومت کی طرف سے 2011کی آبادی کی بنیاد پر چار کروڑ 46لاکھ لوگوں کی سیلنگ مقرر کی گئی ہے۔ ان مستفید افراد کے لئے ہر مہینہ دو لاکھ 30ہزار 882میٹرک ٹن اناج الاٹ کیا جارہا ہے۔

گزشتہ دس برسوں میں بڑی تعداد میں کنبے این ایف ایس اے کے مستحق ہوگئے ہیں۔ کووڈ۔19کی مشکل صورتحال کی وجہ سے بھی لوگوں کے ذریعہ معاش پر مخالف اثر پڑا ہے اور انہیں بھی فوڈ سیکورٹی کی ضرورت ہے۔ مسٹر گہلوت نے درخواست کی کہ سال 2021کی ریاست کی 8کروڑ کی اندازہ آبادی کی بنیاد پر ہندستانی حکومت ریاست میں تقریباً 74لاکھ فاضل افراد کو فوڈ سیکورٹی فراہم کرے۔