جتنا کیچڑ اچھالوگے، اتنا کمل کھلے گا: وزیر اعظم مودی
راجیہ سبھا میں جمعرات کو صدر کے خطبہ پر شکریہ کی تحریک کے دوران تقریر کرتے ہوئے وزیر اعظم مودی نے حزب اختلاف کو نشانہ بنایا اور کہا کہ وہ جتنا بی جے پی کو نشانہ بنائے گی کمل اتنا ہی کھلے گا
پارلیمنٹ میں خطاب کرتے وزیر اعظم مودی
نئی دہلی: راجیہ سبھا میں جمعرات کو صدر کے خطبہ پر شکریہ کی تحریک کے دوران تقریر کرتے ہوئے وزیر اعظم مودی نے حزب اختلاف کو نشانہ بنایا اور کہا کہ وہ جتنا بی جے پی کو نشانہ بنائے گی کمل اتنا ہی کھلے گا۔ وزیر اعظم مودی نے کہا میں ان ارکان پارلیمنٹ (حزب اختلاف کے ارکان پارلیمنٹ) سے کہنا چاہتا ہوں کہ جتنا کیچڑ پھینکیں گے، کمل اتنا ہی اچھا کھلے گا۔
وزیر اعظم مودی نے کہا کہ کہ تین سے چار برسوں میں تقریباً 11 کروڑ گھروں میں پینے کے قابل پانی کے کنکشن لگے اور نو برسوں میں ملک بھر میں 48 کروڑ جن دھن کھاتے کھولے گئے۔ وزیر اعظم جس وقت تقریر کر رہے تھے تو حزب اختلاف کے ارکان پارلیمنٹ نے اڈانی اور وزیر اعظم کے خلاف نعرے بازی کی۔
خیال رہے کہ بدھ کے روز قائد حزب اختلاف ملکارجن کھڑگے نے اڈانی کے معاملہ کی تفتیش کے لئے جے پی سی (جوائنٹ پارلیمانی کمیٹی) تشکیل دینے کا مطالبہ کرتے ہوئے مرکزی حکومت پر حملہ بولا تھا۔ کھڑگے نے کہا، اڈانی تنازعہ کی تفتیش جے پی سی کے ذریعے ہونی چاہئے، حکومت کو اگر کسی بات کا خوف نہیں تو اسے جی پی سی تشکیل دینی چاہئے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔