ملک میں ہلاکت خیز کورونا سے ہلاکتوں کی تعداد 4 لاکھ 52 ہزار سے متجاوز

کورونا وائرس کی رفتار میں کمی کے درمیان ملک میں گزشتہ 24 گھنٹوں کے دوران ہلاکت خیز عالمی وبا کورونا وائرس کے 14 ہزار نئے کیسز درج کیے گئے ہیں

کورونا وائرس / آئی اے این ایس
کورونا وائرس / آئی اے این ایس
user

یو این آئی

نئی دہلی: کورونا وائرس کی رفتار میں کمی کے درمیان ملک میں گزشتہ 24 گھنٹوں کے دوران ہلاکت خیز عالمی وبا کورونا وائرس کے 14 ہزار نئے کیسز درج کیے گئے ہیں۔ دریں اثنا، ہفتے کے روز ملک میں 41 لاکھ 20 ہزار 772 افراد کو کورونا کی ویکسین دی گئی اور اب تک 97 کروڑ 65 لاکھ 89 ہزار 540 افراد کو ویکسین دی جا چکی ہے۔

اتوار کی صبح مرکزی وزارت صحت کے جاری کردہ تازہ ترین اعداد و شمار کے مطابق گزشتہ 24 گھنٹوں کے دوران کورونا کے 14،146 نئے کیسز رپورٹ ہوئے ، جس سے متاثرین کی مجموعی تعداد تین کروڑ 54 لاکھ 53 ہزار 719 ہو گئی ہے۔

دریں اثنا ، 19،788 مریضوں کی صحت یابی کے بعد جان لیوا وبا سے شفایاب مریضوں کی مجموعی تعداد 3 کروڑ 34 لاکھ 18 ہزار 749 ہو گئی ہے۔ ایکٹیو کیسز 5786 سے گھٹ کر ایک لاکھ 95 ہزار 846 ہو گئے ہیں۔ اسی مدت میں مزید 144 مریضوں کی موت کی وجہ سے ہلاکتوں کی مجموعی تعداد بڑھ کر 4،52،124 ہوگئی ہے۔

ملک میں جان لیوا کورونا سے شفا یابی کی شرح بڑھ کر 98.10 فیصد ، ایکٹیو کیسز کی شرح گھٹ کر 0.57 فیصد جبکہ اموات کی شرح 1.33 فیصد رہ گئی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔