جیتن رام مانجھی کے گھر پر میرے خلاف سازش ہو رہی ہے، تیج پرتاپ

لالو کے بڑے بیٹے تیج پرتاپ یادو ایک مرتبہ پھر خبروں میں ہیں کیونکہ اب انہوں نے جیتن رام مانجھی پر اپنے خلاف سازش رچنے کا الزام لگایا ہے۔

فائل تصویر آئی اے این ایس
فائل تصویر آئی اے این ایس
user

قومی آوازبیورو

آر جے ڈی سپریمو لالو پرساد یادو کے بڑے بیٹے تیج پرتاپ یادو ان دنوں بہار کی سیاست میں کافی خبروں میں ہیں۔ تیج پرتاپ نے اپنے خلاف ہونے والی سازشوں کو ناکام بنانے کا فیصلہ کرتے ہوئے یہ کیا کہ اب وہ اپنی والدہ کی رہائش گاہ 10 سرکلر روڈ پر منتقل ہو گئے ہیں لیکن اب وہ اپنے ایک ’اسٹنگ‘ آپریشن کے لئے خبروں میں ہیں۔

آر جے ڈی سپریمو لالو پرساد کے بڑے بیٹے تیج پرتاپ یادو نے سابق وزیر اعلیٰ جیتن رام مانجھی پر ان کے خلاف سازش کرنے کا الزام لگایا ہے۔ تیج پرتاپ نے بدھ کو ایک صحافی کو انٹرویو کے لیے گھر بلایا، لیکن تیج پرتاپ کے یہاں پہنچنے کے بعد صحافی اتنا گھبرا گیا کہ وہ بھاگ گیا۔ تیج پرتاپ یادو نے اس پورے واقعہ کا ویڈیو بنایا اور اسے سوشل میڈیا پر شیئر کیا۔


ہوا یوں کہ پٹنہ کے ایک مقامی یوٹیوبر نے تیج پرتاپ سے بات کی اور ان کا انٹرویو لینے کے لیے ان کے گھر پہنچ گئے، لیکن تیج پرتاپ نے کہا کہ وہ پہلے ان سے پرائیویٹ بات کریں گے اور وہ اپنا کیمرہ اور مائیک باہر رکھ دیں ۔لیکن بتایا یہ جا رہا ہے کہ یو ٹیوبر وہاں سے چلا گیا۔

اس دوران جب یوٹیوبر تیج پرتاپ کے گھر سے باہر آیا تو وہ سیدھا اپنی کار میں بیٹھا اور وہاں سے سابق وزیر اعلیٰ جیتن رام مانجھی کے گھر چلا گیا۔ ایسے میں یوٹیوبر کا تیج پرتاپ نے پیچھا کیا اور پھر جیتن رام مانجھی کے گھر پہنچا جہاں اس نے یوٹیوبر کی کار کو باہر کھڑے دیکھا۔


اس پورے واقعہ کا ویڈیو بناتے ہوئے تیج پرتاپ نے کہا کہ یوٹیوبر دراصل جیتن رام مانجھی کے کہنے پر ان کے خلاف سازش کر رہا ہے۔ تیج پرتاپ نے الزام لگایا کہ ان کو بدنام کرنے کی پوری سازش مانجھی کے گھر پر ہوتی ہے۔ دوسری جانب جیتن رام مانجھی کی پارٹی کی جانب سے پارٹی کے جنرل سکریٹری ڈاکٹر دانش رضوان سامنے آئے اور انہوں نے تیج پرتاپ پر ایک دلت یوٹیوب بلاگر کو ہراساں کرنے کا الزام لگایا۔

ساتھ ہی یو ٹیوبر نے بھی اپنا بیان جاری کیا اور ٹویٹ کر کے لکھا کہ ’’کال کر کے انٹرویو کے لیے بلانا اور بلا کر سماج مخالف عناصر کی طرح برتاؤ کرنا اور کیمرہ ومائیک کو باہر رکھنے کے لئے کہنا یہ سب لالو جی کے نظریے کے خلاف ہے۔ لالو جی نے دلتوں کو طاقت دی ہے تیج پرتاپ جی، آپ لالو جی کے بیٹے ہیں، اس لیے ہم نے آپ کو معاف کر رہے ہیں ۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;