تمل ناڈو: بھاری بارش سے كوئمبٹور میں دیوار منہدم، 15 لوگوں کی دردناک موت

تمل ناڈو میں ہو رہی بارش کی وجہ سے چنئی کے كوراٹ ٹور سمیت کئی اضلاع میں گھروں میں پانی گھس گیا ہے، اس کے ساتھ ہی سڑکوں پر بھی پانی جمع ہو گیا ہے، جس سے لوگوں کو کافی پریشانی کا سامنا کرنا پڑ رہا ہے۔

تصویر سوشل میڈیا
تصویر سوشل میڈیا

قومی آوازبیورو

تمل ناڈو میں بھاری بارش کے درمیان كوئمبٹور کے میٹو پاليم میں دردناک حادثہ ہوا ہے، خبروں کے مطابق چار گھروں کی دیوار گرنے سے چار خواتین سمیت 15 لوگوں کی موت ہو گئی ہے، بہت سے لوگوں کو چوٹیں بھی آئیں ہیں، حادثے کے بعد موقع پر کہرام مچ گیا۔ اطلاع کے بعد انتظامیہ امدادی ٹیم کے ساتھ صبح موقع پر پہنچی اور ریسکیو آپریشن شروع کیا۔ تمل ناڈو حکومت نے مرنے والوں کے اہل خانہ کے لئے 4-4 لاکھ روپے کا معاوضہ دینے کا اعلان کیا ہے۔

ریاست میں ہو رہی بارش کی وجہ سے چنئی کے كوراٹ ٹور سمیت ریاست کے کئی اضلاع میں لوگوں کے گھروں میں پانی گھس گیا ہے، اس کے ساتھ ہی سڑکوں پر پانی جمع ہو گیا ہے، جس سے لوگوں کو کافی پریشانیوں کا سامنا کرنا پڑ رہا ہے۔ بھاری بارش کی وجہ سے ریاست کے کئی اضلاع میں اسکولوں میں چھٹی کر دی گئی ہے، وہیں، محکمہ موسمیات نے اگلے دو دنوں میں اور بارش ہونے کا امکان ظاہر کیا ہے۔

محکمہ موسمیات کے مطابق اوپری ہوا کے بہاؤ کی وجہ سے ریاست میں بھاری بارش ہوئی ہے، اگلے 24 سے 48 گھنٹے میں بھاری بارش ہونے کے امکان ہیں، رام ناتھ پورم، ترونیل ویلی، توتيكورن، ویلور، ترولور، ترونن ملائی اضلاع میں اگلے 24 گھنٹوں میں تیز بارش ہو سکتی ہے۔ بھاری بارش کے امکان کے چلتے مدارس یونیورسٹی اور انّا یونیورسٹی میں پیر کے روز ہونے والے امتحان کو بھی ٹال دیا گیا ہے۔