سوشانت کو انصاف دلانے کے لئے بہار حکومت کسی بھی حد تک جائے گی: سشیل مودی

اداکار سوشانت سنگھ راجپوت کی مبینہ طورسے خودکشی نے کروڑوں بہار کے رہنے والوں کو حیرت زدہ اور دکھی کردیا ہے۔

تصویر بشکریہ نیشنل ہیرالڈ 
تصویر بشکریہ نیشنل ہیرالڈ
user

یو این آئی

بہار کے نائب وزیراعلی سشیل کمار مودی نے بالی ووڈ کے ابھرتے ہوئے سپراسٹار سوشانت سنگھ راجپوت کی موت کے معاملے میں مہاراشٹر کی ادھو ٹھاکرے حکومت پر کانگریس اور بالی ووڈ مافیا کے دباؤ میں ہونے کا الزام لگایا اور کہا کہ سوشانت کو انصاف دلانے کے لئے بہار حکومت کسی بھی حد تک جائے گی۔

بھارتیہ جنتا پارٹی (بی جے پی) کے سینئر لیڈر مسٹر سشیل مودی نے سنیچر کو ٹوئٹ کرکے کہا کہ ’’ادھوٹھاکرے کانگریس اور بالی ووڈ مافیا کے دباؤ میں ہیں اس لئے سوشانت معاملے میں ذمہ دار سبھی عناصر کو بچانے کی کوششوں میں ہیں۔ بہار حکومت نے نہ صرف جانچ کا حکم دیا ہے بلکہ سپریم کورٹ میں کوویٹ داخل کرکے اپیل کی ہے کہ اداکارہ ریا چکرورتی کی عذرداری پر سماعت کرتے وقت بہار کی بات بھی سنی جائے۔‘

بہار کے نائب وزیراعلی سشیل کمار مودی نے کہا کہ بہار حکومت سوشانت کو انصاف دلانے کے لئے کسی بھی حد تک جائے گی۔

نائب وزیراعلی نے کہا کہ ابھرتے ہوئے اداکار سشانت سنگھ راجپوت کی مبینہ طورسے خودکشی نے کروڑوں بہار کے رہنے والوں کو حیرت زدہ اور دکھی کردیا ہے۔ اس لئے تقریبا سبھی پارٹیاں چاہتی ہیں کہ معاملے کی جانچ مرکزی جانچ بیورو (سی بی آئی) سے کرائی جائے۔

Published: 2 Aug 2020, 8:11 AM
next