گیان واپی مسجد میں پہلے دن کا سروے مکمل، کل پھر ہوگی کارروائی

وارانسی کے پولیس کمشنر اے ستیش گنیش نے بتایا کہ ’’سروے کا عمل پرامن طریقے سے ہوا، کسی بھی فریق نے کوئی رخنہ اندازی نہیں کی، سب کچھ معمول پر ہے، ہم سروے کے عمل کی باریکی سے نگرانی کر رہے ہیں۔‘‘

وارانسی کی گیان واپی مسجد/ تصویر آئی اے این ایس
وارانسی کی گیان واپی مسجد/ تصویر آئی اے این ایس
user

قومی آوازبیورو

گیان واپی مسجد کے تہہ خانہ کے چار کمروں اور مغربی دیوار کا سروے ہوا۔ آج کا سروے مکمل ہو گیا اور اب سروے کی یہ کارروائی اتوار کو بھی جاری رہے گی۔ تہہ خانہ کے سروے کے بعد وارانسی کے ضلع مجسٹریٹ کوشل راج شرما اور پولیس کمشنر اے ستیش گنیش وہاں سے نکل گئے۔ سروے کے بعد مسجد احاطہ سے باہر نکلے ’وشو ویدک سناتن سنگھ‘ کے چیف جتندر سنگھ بسین نے کہا کہ وہاں تصور سے بہت کچھ زیادہ ہے۔ انھوں نے یہ بھی کہا کہ کل کا سروے بھی اہم ہے۔ پہلے دن کچھ تالے کھولے گئے، کچھ تالے توڑنے پڑے۔ سروے کی رپورٹ جلد سب کے سامنے آئے گی۔

وارانسی کے پولیس کمشنر اے ستیش گنیش نے بتایا کہ ’’سروے کا عمل پرامن طریقے سے ہوا، کسی بھی فریق نے کوئی رخنہ اندازی نہیں کی، سب کچھ معمول پر ہے، ہم سروے کے عمل کی باریکی سے نگرانی کر رہے ہیں۔‘‘ قابل ذکر ہے کہ اس دوران آج 1500 سے زائد پولیس اہلکاروں اور پی اے سی جوانوں کو گیان واپی مسجد احاطہ کی سیکورٹی میں تعینات کیا گیا تھا۔ اس کے ساتھ ہی گیان واپی مسجد احاطہ کے 500 میٹر کے دائرے میں لوگوں کی آمد و رفت روک دی گئی تھی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔