ہم جنس پرستوں کی شادی سے لے کر رام رحیم تک کے معاملوں پر سپریم کورٹ میں آج ہوگی سنوائی

ہم جنس پرستوں کی  شادی کو تسلیم کرنے کا مطالبہ کرنے والی درخواستوں پر آج سپریم کورٹ میں سماعت ہونے والی ہے۔

<div class="paragraphs"><p>فائل تصویر آئی اے این ایس</p></div>

فائل تصویر آئی اے این ایس

user

قومی آوازبیورو

آج یعنی13 مارچ کو  سپریم کورٹ میں مختلف معاملات پر سماعت ہونی ہے جس کی وجہ سے یہ تاریخ بہت اہم ہے ۔ آج سپریم کورٹ میں کئی بڑے معاملات کی سماعت ہونے والی ہے۔ ان میں سے بہت سے معاملات عام لوگوں سے متعلق ہیں اور لوگ ان پر نظر رکھیں گے۔

ہم جنس پرستوں کی  شادی پر آج سب سے بڑی سماعت ہوگی۔ اس کے علاوہ اس طرح کے اور بھی کئی معاملے  ہیں جن کے تعلق سے عوام باخبر رہنا چاہتے ہیں۔ کچھ بڑے کیسز جن پر آج سپریم کورٹ میں سماعت ہوگی۔


ہم جنس پرستوں کی  شادی کو تسلیم کرنے کا مطالبہ کرنے والی درخواستوں پر آج سپریم کورٹ میں سماعت ہونے والی ہے۔ مرکزی حکومت نے اس معاملے پر اپنا موقف واضح کر دیا ہے۔ سپریم کورٹ میں حکومت کی جانب سے حلف نامے میں ان درخواستوں کو خارج کرنے کی بات کہی گئی ہے۔ مرکزی حکومت نے ہم جنس شادی کو تسلیم کرنے سے انکار کر دیا ہے۔

سپریم کورٹ میں آج ڈیرہ سچا سودا کے سربراہ رام رحیم کے اصلی اور فرضی ہونے کے دعوے پر بھی سماعت ہوگی۔ ڈیرہ کے پیروکار ڈاکٹر موہت نے سپریم کورٹ میں ایک رٹ دائر کی ہے۔عرضی میں مرکز اور ہریانہ حکومت کو فریق بنایا گیا ہے۔


ترنمول کانگریس کے ترجمان ساکیت گوکھلے کی ضمانت کی عرضی پر بھی آج سپریم کورٹ میں سماعت ہوگی۔ ساکیت گوکھلے پر کراؤڈ فنڈنگ ​​سے حاصل ہونے والی رقم کا غلط استعمال کرنے کا الزام ہے۔

الہ آباد ہائی کورٹ کے احاطے میں واقع وقف مسجد کو ہٹانے کے معاملے کی بھی آج سپریم کورٹ میں سماعت ہوگی۔ اس کے علاوہ سپریم کورٹ میں کچھ اور چھوٹے اور بڑے مقدمات کی سماعت ہوگی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔