سپریم کورٹ: تریپورہ کے 12 بی جے پی کے اراکین اسمبلی کی ’نااہلی‘ پر فیصلہ جلد

سپریم کورٹ کو سالیسیٹر جنرل تشار مہتا نے جمعرات کے روز بتایا کہ منی پور کے گورنر ریاست کے 12 اراکین اسمبلی کے نااہل ٹھہرائے جانے کے زیر التواء معاملے پرجلد فیصلہ کر یں گے

سپریم کورٹ / آئی اے این ایس
سپریم کورٹ / آئی اے این ایس
user

یو این آئی

نئی دہلی: سپریم کورٹ کو سالیسیٹر جنرل تشار مہتا نے جمعرات کے روز بتایا کہ منی پور کے گورنرریاست کے 12 اراکین اسمبلی کے نااہل ٹھہرائے جانے کے زیر التواء معاملے پرجلد فیصلہ کر یں گے۔

جسٹس ناگیشورا راؤ، جسٹس بی آر گاوائی اور جسٹس بی وی ناگ رتنا کی بینچ نے گزشتہ سماعت کے دوران منگل کے روز عرضی گزار تریپورہ کےایک کانگریس رکن اسمبلی ڈی ڈی کیتھی کے اس دلیل پر اتفاق کرتے ہوئے کہا تھا کہ منی پوربھارتیہ جنتا پارٹی (بی جے پی) کے 12 اراکین اسمبلی کو ’آفس آف پرافٹ‘ کے معاملے میں نااہل ٹھہرائے جانے کے معاملے پر الیکشن کمیشن کی سفارش کے بعد گورنر اپنے فیصلے سے پیچھے نہیں ہٹ سکتے۔


عدالت عظمیٰ نے کیتھی کی عرضی پرسماعت کے دوران ان کی طرف سے پیش ہونے والے سینئر وکیل کپل سبل کی اس دلیل پر پراتفاق کیا کہ آئینی اتھارٹی فیصلے کو زیر التوا نہیں رکھ سکتی ۔ یہ بھی کہا تھا کہ اراکین اسمبلی کی مدت کار ختم ہونے میں صرف ایک مہینہ باقی ہے۔

تین رکنی بینچ کی صدارت کر رہے تھے جسٹس ناگیشور راؤ نےدلائل سننے کے بعد کہا ’’ہم آپ سے متفق ہیں کہ وہ (گورنر) فیصلہ لینے سے پیچھے نہیں ہٹ سکتے‘‘۔

کیتھی نے بی جے پی کے 12 اراکین اسمبلی کو پارلیمانی سکریٹریوں کے عہدے پر فائز رہنے کو ’ آفس آف پرافٹ‘ قرار دیتے ہوئے انہیں نااہل ٹھہرانے کا مطالبہ کیا تھا کہ وہ ہیں،ان کا کہنا تھا الیکشن کمیشن نے 13 جنوری 2021 کواپنی تجویز گورنز کو پیش کی تھی ، لیکن اب تک گورنر نے اپنا فیصلہ نہیں سنایا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔