جیو صارفین کے لیے گاہکوں کے لیے وائی فائی پر وائس اور ویڈیو کالنگ شروع

جیو کے ڈائریکٹر آکاش امبانی نے گزشتہ روز یہ سروس شروع کرتے ہوئے کہا کہ جیو صارفین کو بہترین پروڈکشن اور تجربہ کے ارادے سے وائی فائی پر چلنے والی قومی سطحی وائس اور ویڈیو کالنگ شروع کی ہے۔

تصویر سوشل میڈیا
تصویر سوشل میڈیا
user

یو این آئی

نئی دہلی: مکیش امبانی کی ریلائنس جیو نے وائی فائی پر وائس اور ویڈیو کالنگ کی سہولت شروع کرتے ہوئے کہا ہے کہ صارف کسی بھی نیٹ ورک کا استعمال کر سکتا ہے۔ اس سروس کو 16 جنوری تک پورے ملک میں ایکٹیویٹ کر دیا جائے گا۔

جیو کے ڈائریکٹر آکاش امبانی نے بدھ کے روز یہ سروس شروع کرتے ہوئے کہا کہ جیو صارفین کو بہترین پروڈکشن اور تجربہ کے ارادے سے وائی فائی پر چلنے والی قومی سطحی وائس اور ویڈیو کالنگ شروع کی ہے۔ کمپنی نے کہا کہ گزشتہ کچھ مہینوں سے اس سروس کا تجربہ کیا جا رہا تھا تاکہ اس کے شروع کرنے کے وقت سے تمام صارفین کو اچھی سہولت دی جا سکے۔


آکاش امبانی نے کہا کہ جیو میں، ہم صارف تجربہ کو بڑھانے یا ان کے مسائل کو حل کرنے کےلیے مسلسل نئے تجربے کر رہے ہیں۔ ایسے میں جب اوسط جیو صارف ہر ماہ 900 منٹ سے زیادہ وائس کال کرتا ہے اور صارف کی بنیاد مسلسل بڑھ رہی ہے، جیو وائی فائی کالنگ کی شروعات کمپنی کی وائس کالنگ کے تجربے کو مزید بڑھائے گی جو ملک میں پہلے وولٹی نیٹ ورک سے پہلےصنعتی دنیا کے لیے ایک بنچ مارک ہے۔

جیو نے کہا کہ جیو وائی فائی کالنگ کے لیے کسی بھی وائی فائی نیٹ ورک کا استعمال کر سکتے ہیں۔ وائس اور ویڈیو کال بلا رُکاوٹ کے وولٹی اور وائی فائی کے درمیان سوِ چ اوور کر سکے گی۔ اس سے کالنگ کے تجربے میں بہتری آئے گی۔ جیو وائی فائی کالنگ، ہینڈسیٹ کے زیادہ بڑے ایکو سسٹم پر کام کرے گا۔ جیو صارف وائی فائی کال پر بھی ویڈیو کالنگ بھی کر سکیں گے۔


کمپنی نے کہا ہے کہ صارف کو کسی بھی طرح کا اضافی چارج نہیں دینا ہوگا۔ جیو وائی فائی کالنگ کو ہینڈسیٹ پر ایکٹیویٹ کرنے کے لیے جیو ڈاٹ کام/وائی فائی کالنگ پر جانا ہوگا جہاں اسے پوری معلومات مل جائے گی۔ جیو نے کہا ہے کہ وائی۔فائی کالنگ کو سات اور 16 جنوری کے درمیان پورے ملک میں ایکٹویٹ کر دیا جائے گا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔