سری نگر کے ہاؤس بوٹ مالک کی دریا دلی، درماندہ سیاحوں کے لئے شروع کی مفت رہائش اور لنگر

محمد یعقوب نے کہا کہ کشمیری مہمان نوازی کے لئے مشہور ہیں اور ہم کشمیریت اور انسانیت سے کبھی بھی دستبردار نہیں ہو سکتے ہیں۔

تصویر یو این آئی
تصویر یو این آئی
user

یو این آئی

سری نگر: جموں و کشمیر کے گرمائی دارالحکومت سری نگر میں ہاؤس بوٹ مالکان نے بھاری برف باری کی وجہ سے وادی کشمیر میں درماندہ ہونے والے غیر ریاستی سیاحوں کے لئے اپنے گھروں اور ہاؤس بوٹوں کے دروازے کھولنے شروع کر دیئے ہیں۔ محمد یعقوب ڈونو نامی ہاؤس بوٹ مالک، جو کشمیر ہاؤس بوٹ آنرز ایسوسی ایشن کے ترجمان بھی ہیں، نے درماندہ سیاحوں کو اپنے گھر اور ہاؤس بوٹ میں مفت رہائش اور کھانا پینا فراہم کرنا شروع کر دیا ہے۔

محمد یعقوب نے اپنے ایک ویڈیو پیغام میں کہا کہ 'برف باری کی وجہ سے وادی کشمیر کے بیرون دنیا سے زمینی و فضائی رابطے منقطع ہو گئے ہیں۔ جو سیاح یہاں آئے تھے وہ درماندہ ہو چکے ہیں۔ یہاں پھنسے غیر ریاستی سیاحوں کے لئے میں نے اپنے گھر اور ہاؤس بوٹ کے دروازے کھول دیئے ہیں'۔

تصویر یو این آئی
سری نگر کے ہاؤس بوٹ مالک کی دریا دلی، درماندہ سیاحوں کے لئے شروع کی مفت رہائش اور لنگر
سری نگر کے ہاؤس بوٹ مالک کی دریا دلی، درماندہ سیاحوں کے لئے شروع کی مفت رہائش اور لنگر
سری نگر کے ہاؤس بوٹ مالک کی دریا دلی، درماندہ سیاحوں کے لئے شروع کی مفت رہائش اور لنگر
سری نگر کے ہاؤس بوٹ مالک کی دریا دلی، درماندہ سیاحوں کے لئے شروع کی مفت رہائش اور لنگر
سری نگر کے ہاؤس بوٹ مالک کی دریا دلی، درماندہ سیاحوں کے لئے شروع کی مفت رہائش اور لنگر
سری نگر کے ہاؤس بوٹ مالک کی دریا دلی، درماندہ سیاحوں کے لئے شروع کی مفت رہائش اور لنگر

محمد یعقوب نے کہا کہ 'میرے گھر اور ہاؤس بوٹ میں ٹھہرنے والے سیاحوں کو کچھ بھی پیسے نہیں دینے ہوں گے اور ان کے لئے ہم مفت لنگر بھی چلائیں گے'۔ محمد یعقوب نے کہا کہ کشمیری مہمان نوازی کے لئے مشہور ہیں اور ہم کشمیریت اور انسانیت سے کبھی بھی دستبردار نہیں ہو سکتے ہیں۔

ان کا مزید کہنا تھا کہ 'یہاں پر ڈیڑھ سال تک سیاحتی سرگرمیاں پوری طرح سے ٹھپ تھیں۔ سخت مالی دشواریوں کے باوجود میں نے پہل کی ہے اور میرے ساتھ کافی تعداد میں ہوٹل مالکان اور محکمہ سیاحت کے اہلکار جڑ رہے ہیں'۔ بتادیں کہ وادی کشمیر میں وقفے وقفے سے برف باری کا سلسلہ منگل کو مسلسل تیسرے دن بھی جاری رہا جس کے نتیجے میں کشمیر کا بیرون دنیا سے زمینی و فضائی رابطے بدستور منقطع ہیں۔


سری نگر کے بین الاقوامی ہوائی اڈے پر برف باری اور کم روشنی کے سبب فضائی ٹریفک منگل کو مسلسل تیسرے دن بھی معطل رہا۔ جبکہ وادی کشمیر کو زمینی راستے سے بیرون دنیا کے ساتھ جوڑنے والی سری نگر – جموں قومی شاہراہ پر گاڑیوں کی آوا جاہی بھی گزشتہ تین دنوں سے معطل ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔