پارٹی میں سانپ کا زہر! ایلوش یادو سے نوئیڈا پولیس نے دیر رات گئے دو گھنٹے تک پوچھ گچھ کی

ریو پارٹی میں سانپ کے زہر کی فراہمی کے الزامات کا سامنا کر رہے بگ باس او ٹی ٹی سیزن ٹو کے فاتح ایلوش یادو سے دیر رات گئے نوئیڈا پولیس نے 2 گھنٹے سے زیادہ تک پوچھ گچھ کی

<div class="paragraphs"><p>ایلوش یادو / آئی اے این ایس</p></div>

ایلوش یادو / آئی اے این ایس

user

قومی آوازبیورو

نوئیڈا: ریو پارٹی میں سانپ کے زہر کی فراہمی کے الزامات کا سامنا کر رہے بگ باس او ٹی ٹی سیزن ٹو کے فاتح ایلوش یادو سے دیر رات گئے نوئیڈا پولیس نے 2 گھنٹے سے زیادہ تک پوچھ گچھ کی۔

بتایا جا رہا ہے کہ کل رات تقریباً 12 بجے ایلوش یادو نوئیڈا کے سیکٹر 20 تھانے پہنچے، جہاں ڈی سی پی، اے ڈی سی پی اور اے سی پی سطح کے افسران موجود تھے۔ ایلوش یادو سے ان کے سامنے پوچھ گچھ کی گئی ہے۔ 2 گھنٹے سے زیادہ کے بعد ایلوش یادو کو واپس جانے کو کہا گیا۔


ایلوش یادو کو پولیس کی طرف سے ہدایات ملی ہیں کہ جب انہیں دوبارہ بلایا جائے تو وہ فوراً حاضر ہوں۔ ذرائع سے ملی اطلاع کے مطابق پولیس نے رات 12 بجے ایلوش یادو سے پوچھ گچھ شروع کی۔ یہ پوچھ گچھ 2 گھنٹے سے زائد جاری رہی۔ ایلوش یادو سے پوچھ گچھ میں ڈی سی پی، اے سی پی سطح کے افسران شامل تھے۔

بتایا گیا ہے کہ میڈیا سے بچنے کے لیے ایلوش رات 12 بجے تھانے پہنچے تھے۔ نوئیڈا پولیس نے ایلوش کو پھر سے آنے کو کہا ہے۔ پولیس کے مطابق ایلوش کو دوسرے ملزم راہل کے روبرو پوچھ گچھ کی جانی ہے۔ قابل ذکر ہے کہ نوئیڈا پولیس نے ایلوش کو نوٹس بھیجا تھا، جس میں وقت یا تاریخ کا ذکر نہیں کیا گیا تھا۔


ذرائع کے مطابق ایلوش نے پولیس سے رابطہ کیا اور کہا کہ وہ رات گئے تھانے پہنچیں گے اور پھر ان سے پوچھ گچھ کی جائے کیونکہ اس وقت میڈیا کا مجمع نہیں ہوگا۔ پولیس کے مطابق جب ملزم راہل کا ریمانڈ ملے گا تو وہ ایلوش کو اس کے سامنے بیٹھا کر دوبارہ پوچھ گچھ کریں گے۔

یاد رہے کہ نوئیڈا پولیس نے ریو پارٹی میں سانپ کے زہر کے استعمال کے معاملے میں ایف آئی آر درج کی ہے۔ الوش یادو بھی اس معاملے میں ملزم ہیں۔ پولیس نے اس معاملے میں پانچ لوگوں کو گرفتار کیا ہے جن میں راہل نامی ملزم بھی شامل ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;