کرائم برانچ نے ’ڈیجیٹل اریسٹ‘ ریکٹ کا پردہ فاش، چھ افراد گرفتار

دہلی پولیس کی کرائم برانچ نے ’ڈیجیٹل اریسٹ‘ گھوٹالے کے پیچھے سرگرم ایک منظم گینگ کا پردہ فاش کرتے ہوئے 71 سالہ خاتون سے 49 لاکھ روپے کی دھوکہ دہی کرنے کے الزام میں چھ افراد کو گرفتار کر لیا ہے۔ پولیس نے اتوار کو اس کی اطلاع دی۔ الزام کے مطابق، جعا لسازوں نے خود کو قانون نافذ کرنے والے افسر ظاہر کر کے متاثرہ خاتون کے ساتھ دھوکہ دہی کی۔

بزرگ خاتون کی باضابطہ شکایت کے بعد تحقیقات شروع ہوئی۔ ملزموں نے فرضی سرکاری پیغامات، دھمکیوں اور ذہنی دباؤ کا استعمال کرتے ہوئے خاتون کو یہ یقین دلایا کہ ان کے خلاف سخت قانونی کارروائی ہو رہی ہے اور اسی خوف کا فائدہ اٹھا کر اسے مختلف بینک کھاتوں میں بھاری رقم منتقل کرنے پر مجبور کیا۔

پولیس کی ٹیموں نے مربوط کارروائی کرتے ہوئے لکھنؤ کے امین آباد، حسن گنج، مدینہ گنج اور صدر کینٹ سمیت کئی مقامات پر چھاپے مارے۔حراست میں لیے گئے چھ ملزموں کی شناخت محمد اویس (25)، وِشال تیواری (19)، شکیل احمد (53)، محمد عہد(25)، محمد عاطف (25) اور محمد عجیب(25) کے طورپر ہوئی ہے۔