یوگی حکومت میں زنا کی شکار گلوکارہ کو ملی راحت، مافیا ڈان وجے مشرا کا پوتا گرفتار!

وزرانسی کے جیپورا کی ایک گلوکارہ نے گیان پور کے مافیا ڈان ایم ایل اے وجے مشر، ان کے بیٹے اور بھتیجے کے بیٹے پر اجتماعی عصمت دری کا الزام لگاتے ہوئے 18اکتوبر کو گوپی گنج تھانے میں مقدمہ درج کرایا تھا۔

وجے مشرا، تصویر آئی اے این ایس
وجے مشرا، تصویر آئی اے این ایس
user

یو این آئی

بھدوہی: اترپردیش کے ضلع وارانسی کی گلوہ کارہ کے ساتھ اجتماعی عصمت دری کے الزام میں مافیا ڈان وجے مشر کے پوتے وکاس مشرا کو پولیس نے پیر کو گرفتار کیا ہے۔ پولس نے وکاس کو کولاپور ریلوے کراسنگ کے نزدیک سے گرفتار کیا ہے۔ پولیس کافی دنوں سے اس کی تلاش میں تھی۔

پولیس ذرائع نے آج بتایا کہ رکن اسمبلی کو اس سے قبل رشتے دار سے ملکیت تنازع کے معاملے میں مدھیہ پردیش کے آگر مالوا ضلع سے گرفتار کیا گیا تھا۔ لیکن بیٹے اور پوتے پولیس کی گرفت سے فرار چل رہے تھے۔ پولیس کو دونوں کی تلاش تھی۔ اسی دوران مخبر کی اطلاع پر گوپا گنج کی پولیس کولا پور ریلوے کراسنگ پہنچی اور وکاس مشر کو گرفتار کر کے اسے جیل بھیج دیا گیا ہے۔


وزرانسی کے جیپورا کی ایک گلوکارہ نے گیان پور کے مافیا ڈان ایم ایل اے وجے مشر، ان کے بیٹے اور بھتیجے کے بیٹے پر اجتماعی عصمت دری کا الزام لگاتے ہوئے 18اکتوبر کو گوپی گنج تھانے میں مقدمہ درج کرایا تھا۔ رشتہ دار کے ساتھ ملکیت تنازع میں رکن اسمبلی وجے مشر اس وقت آگرہ جیل بھی بند ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔