ومبلڈن: سِمونا ہالیپ بنیں چمپئن، سرینا کا خواب چکنا چور

رومانیہ کی سِمونا ہالیپ نے امریکہ کی سرینا ولیمز کو مسلسل سیٹوں میں 6-2، 6-2 سے شکست دے کر ومبلڈن کا خواتین کا پہلی بارسنگلز خطاب جیت لیا اور سرینا کو 24 ویں گرینڈ سلیم ٹائٹل سے محروم کر دیا۔

تصویر سوشل میڈیا
تصویر سوشل میڈیا
user

یو این آئی

لندن: ساتویں سیڈ رومانیہ کی سمونا ہالیپ نے زبردست مظاہرہ کرتے ہوئے امریکہ کی سرینا ولیمز کو ہفتہ کو مسلسل سیٹوں میں 6-2، 6-2 سے شکست دے کر سال کے تیسرے گرینڈ سلیم ومبلڈن ٹینس چمپئن شپ کا خواتین کا پہلی بارسنگلز خطاب جیت لیا اور سرینا کو 24 ویں گرینڈ سلیم ٹائٹل سے محروم کر دیا۔

ومبلڈن: سِمونا ہالیپ بنیں چمپئن، سرینا کا خواب چکنا چور

سابق نمبر ایک ہالیپ نے یہ مقابلہ صرف 55 منٹ میں ختم کرکے 23 بار کی گرینڈ سلیم چمپئن سرینا کو مارگریٹ کورٹ کے 24 گرینڈ سلیم ٹائٹل کی برابری کرنے سے روک دیا۔ ہالیپ کا یہ دوسرا گرینڈ سلیم ٹائٹل ہے۔ انہوں نے گزشتہ سال فرانسیسی اوپن کا خطاب جیتا تھا۔11 ویں سیڈ سرینا بہترین مظاہرہ کرتے ہوئے فائنل تک پہنچی تھیں لیکن ہالیپ کے بہترین کھیل نے ان کا سفر روک دیا۔ سرینا گزشتہ سال بھی رنر اپ رہی تھیں اور اس بار بھی انہیں رنر اپ رہنے پر اکتفا کرنا پڑا۔ سرینا گزشتہ سال یو ایس اوپن میں بھی رنر اپ رہی تھیں۔سرینا نے اپنا آخری گرینڈ سلیم ٹائٹل 2017 کے شروع میں آسٹریلین اوپن کے طور پر جیتا تھا۔ اس کے بعد سے انہوں نے چھ گرینڈ سلیم ٹورنامنٹوں میں حصہ لیا ہے لیکن انہیں کامیابی ہاتھ نہیں لگی ہے۔

ومبلڈن میں سات بار کی چمپئن سرینا کا سامنا پہلی بار فائنل کھیل رہی ہالیپ سے تھا اور رومانیہ کی کھلاڑی نے پورے میچ میں سرینا کو کوئی موقع نہیں دیا۔ 27 سالہ ہالیپ اور 37 سالہ سرینا کے درمیان عمر کا فاصلہ ان کے کھیل میں بھی نظر آیا۔ہالیپ نے چار بار سرینا کی سروس توڑی اور 13 ونرس لگائے۔ سرینا کو میچ میں صرف ایک بریک پوائنٹس ملا اور وہ اس کا فائدہ نہیں اٹھا پائیں ۔ہالیپ نے سرینا کے خلاف گزشتہ 10 مقابلوں میں صرف ایک میں کامیابی حاصل کی تھی۔ پہلے سیٹ میں سابق نمبر ایک ہالیپ نے باتوں باتوں میں 4-0 کی برتری حاصل کرلی اور پہلا سیٹ آسانی سے 26 منٹ میں 6-2 پر ختم کر سرینا پر دباؤ بنا دیا۔

سرینا نے دوسرے سیٹ میں اچھی شروعات کی لیکن ہالیپ کے زبردست حملوں کے سامنے ان کا کھیل لڑکھڑا گیا۔ ہالیپ نے دوسرے سیٹ کے آخری چار گیم مسلسل جیتتے ہوئے پہلی بار ومبلڈن ٹائٹل اپنی جھولی میں ڈال لیا۔سینٹر کورٹ پر ہالیپ کے دبدبے کا عالم یہ تھا کہ انہوں نے میچ کو صرف 55 منٹ میں ختم کر دیا۔ ہالیپ نے میچ میں صرف تین بےجا بھولیں کیں جبکہ سرینا نے 25 بےجا بھولیں کیں جس کا انہیں نقصان اٹھانا پڑا۔ کسی کو توقع نہیں تھی کہ سرینا میچ میں اتنی غلطیاں کریں گی لیکن ہالیپ نے انہیں بار بار غلطیاں کرنے پر مجبور کیا۔سرینا کو اب اپنے 24 ویں گرینڈ سلیم خطاب کے لئے یو ایس اوپن کا انتظار کرنا ہوگا۔

next