کورونا سے نمٹنے کے لئے کئی اقدام کئے جا رہے ہیں: ضلع مجسٹریٹ سری نگر

ضلع مجسٹریٹ سری نگر اعجاز اسد نے کہا ہے کہ ضلع سری نگر میں کوورنا سے نمٹنے کے لئے کئی اقدامات کئے جا رہے ہیں

سری نگر، تصویر یو این آئی
سری نگر، تصویر یو این آئی
user

یو این آئی

سری نگر: ضلع مجسٹریٹ سری نگر اعجاز اسد نے کہا ہے کہ ضلع سری نگر میں کوورنا سے نمٹنے کے لئے کئی اقدامات کئے جا رہے ہیں۔ انہوں نے کہا کہ کووڈ سینٹروں میں آکسیجن بستروں میں اضافہ کیا جا رہا ہے اور ہسپتالوں میں بستروں میں اضافہ کرنے کے ساتھ ساتھ نئے آکسیجن پلانٹ نصب کئے جا رہے ہیں۔

ان کا کہنا تھا کہ پانچ سو بستروں والے ایک نئے کووڈ ہسپتال پر کام شروع کیا گیا ہے جس کو جلدی پایہ تکمیل تک پہنچایا جائے گا۔موصوف ضلع مجسٹریٹ نے ان باتوں کا اظہار اپنے ایک ویڈیو پیغام میں کیا ہے۔ انہوں نے کہا: 'ضلع سری نگر میں کووڈ سے نمٹنے کے لئے کئی اقدام کئے جار ہے ہیں لوگوں کو ایس او پیز پر عمل کرایا جا رہا ہے اور بڑے پیمانے پر ویکسینیشن کرائی جا رہی ہے'۔


اعجاز اسد نے کہا کہ کووڈ سینٹروں میں آکسیجن بستروں میں اضافہ کیا جا رہے اور ہسپتالوں میں بستروں میں مزید اضافے کے ساتھ ساتھ نئے آکسیجن پلانٹ نصب کئے جا رہے ہیں اور ابھی بھی مزید آکسیجن پلانٹ نصب کئے جائیں گے۔ انہوں نے کہا کہ پانچ سو بستروں والے ایک نئے کووڈ ہسپتال پر کام شروع کیا گیا ہے جس کو جلدی مکمل کیا جائے گا۔

بتا دیں کہ جموں و کشمیر میں بھی کورونا کی دوسری لہر تیزی سے پھیل رہی ہے جس کے باعث مثبت کیسز اور اموات میں روز افزوں غیر معمولی اضافہ درج ہو رہا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔